Хабарҳо
Натоиҷи озмунҳои мустақили Осиёи Марказӣ дар бахши бозорёбӣ (маркетинг)-и ҷоизаи «Event Awards Central Аsia» эълон гардиданд. Лоиҳаи Tcell “Иқдоми таблиғотӣ барои роуминги дастрас дар Ӯзбекистон» дар бахши «Беҳтарин рӯйдоди онлайнӣ» соҳиби нишони Тиллоӣ шуд! Тарҳи муштараки Радиои “Азия Плюс” ва Тсеll «Ҳамроҳ мехонем» дар бахши «Беҳтарин лоиҳаи иҷтимоӣ» сазовори ҷоизаи Нуқра гардид.
Event Awards Central Asia – ин ҷоизаи мустақили касбӣ дар Осиёи Марказӣ аст, ки барои дастовардҳои бузурги эҷодӣ аснои баргузории чорабиниҳои марбути бозорёбӣ (маркетинг) тақдим мешавад. Тайи солҳои ахир ин мукофот ба тарҳҳои муваффақе, ки дар Қазоқистон, Ӯзбекистон ва Тоҷикистону Қирғизистон татбиқ меёбанд, эҳдо мегардад.
Имсол барои ҷоизаи Тилло дар бахши чорабиниҳои бозорёбӣ беш аз 60 лоиҳа аз бузургтарин ширкатҳои минтақа рақобат доштанд. Озмун аз сӯи доварони мустақил, ки коршиносони шинохтаи соҳоти “event”, HR-у PR (таблиғ ва бозорёбӣ)-и ширкатҳои Русия, Тоҷикистон, Қазоқистон, Ӯзбекистон, Қирғизистон, Латвия, Словакияву Малдова, инчунин намояндагони ВАО ва ҳунармандони маъруфи ин кишварҳо буданд, ҳакамӣ мешуд.
Tcell дар бахши «Беҳтарин рӯйдоди онлайнӣ»-и лоиҳаи “Иқдоми таблиғотӣ барои роуминги дастрас дар Ӯзбекистон» соҳиби нишони “Тилло” гардида, онро ба Тоҷикистон овард. Моҳи феврали соли 2018 барои ду кишвари ҳамсояву ҳамҷавор, ки марзҳои муштарак, урфу одат ва фарҳанги ба ҳам наздик доранд, рӯйдоди муҳими таърихӣ ба вуқӯъ пайваст. Сарҳадоти ин давлат, ки тайи қариб 20 сол барои равуои шаҳрвандон мушкил эҷод менамуданд, боз гардиданд. Мардуми Тоҷикистону Ӯзбекистон ин иқдомро бо хурсандии бузург ва эҳсоси гарму гуворо пазируфтанд.
Ширкати Tcell ба рухдоди фавқ- равуои бештари шаҳрвандон, теъдоди зиёди сайёҳон ва гардишгарони ду кишвар таваҷҷуҳ зоҳир намуда, роуминги дастрас дар Ӯзбекистонро роҳандозӣ карда, арзиши Интернетро дар шабакаи роуминг 16 маротиба коҳиш дод. Иқдоми тарғиботии ин лоиҳа дар шабакаҳои иҷтимоӣ, расонаҳо ва пешниҳоди матлабу маводҳои ҷолибу кӯтоҳ оғоз гардид.
Яке аз тарҳҳое, ки барои муаррифии бештар ва ташвиқу тарғиби роуминги дастрас ба кор оғоз намуд, ин “Салом, ҳамсояҳо!” («Салом, соседи!») дар ҳамҷоягӣ бо ширкати “Asia Plus Media Group” буд. Лоиҳа дар бораи анъанаҳои миллӣ, фарҳангу санъат, дастовардҳо, ҳаёти одамони ҳар ду кишвар нақл карда, наворҳои ҷолибро дар мавриди пайвандҳои таърихии мардуми ҳамсоякишварҳо омода месозад.
«Тарҳи роуминги дастрас оддӣ ва хеле содда буда, ҳадафи он нишон додани ин ки роуминг барои истифода қулай аст, аз он мешавад аснои иртибот, гуфтугӯ ва табодули навору аксҳои ҷолиб дар ҳангоми сафар дар Ӯзбекистон бо нархзи арзон истифода кард. Охир, тайи ин қадар солҳои ҷудоӣ ва дурии сунъӣ одамон ташнаи дидори якдигар шуданд. Вақте мо аз “Азии Плюс” пешниҳоди ҳамкорӣ дар татбиқи идеяи мазкурро дарёфт кардем, ба чунин хулоса расидем, ки айнан ва воқеан ин ҳамон лоиҳа ҳаст, ки мо онро мехоҳем. Мо онро ҷонибдорӣ карда, таркиби матоолибро бойтару ғанитар сохтем, барои комил шудани маҳсулоти пешниҳодӣ кӯмак расонидем. Ман итминони комил дорам, ки ин тарҳи ҳассосу хушбинона қалби ҳазорон нафарро тасхир кард, ба дилҳои ҳазорон нафар роҳ ёфт. Ин дар айни замон ҳамон ҳадафи аслӣ аст, тарғиби тамға (бренд), ки мо бояд амалӣ намоем”,- мегӯяд директори Департаменти бозорёбӣ ва равобит (маркетинг ва комуникатсия)-и ширкати Tcell Кети Пиртсхалава.
Тарҳи муштараки Радиои “Азия Плюс” ва Тсеll «Ҳамроҳ мехонем» дар бахши «Беҳтарин лоиҳаи иҷтимоӣ» бошад, сазовори ҷоизаи Нуқраи озмун гардид. Моҳи июни соли 2018 Азия Плюс ва Tcell аз 4 хонаи бачагони шаҳри Душанбе, ки беш аз 350 кӯдак дар онҳо тарбия мегиранд, дидан карданд. Ба назди ин тифлакони масъум, ки аз навозиши волидайн маҳруманд, шахсони маъруф, ҳунармандон ва чеҳраҳои шинохта рафта, ҳамроҳ бо онҳо китоб хонданд, шеъру таронахонӣ карданд ва нақлҳои ҷолиберо пешниҳод сохтанд.
Лоиҳа ба кӯдакон нишон дод, ки онҳо дар ҷомеъа танҳо нестанд, онҳо низ шахсони даркорӣ дар ин кишваранд. Мақсади аслии ин иқдом на фақат ироаи тӯҳфаву ҳадяҳо дар иду маросимҳо, балки фарогирии кӯдакон бо меҳру муҳаббати инсонӣ буд.
Тафсилоти бештарро дар бораи ҷоизаи EACA тавассути нишонии: https://www.eaca.pro/ ва саҳифаи расмии он дар шабакаи иҷтимоии Facebook: https://www.facebook.com/EventAwardsCA/ дарёфт карда метавонед.
Соли гузашта низ ширкати Tcell дар озмунҳои EACA чанд ҷоизаро ба худ ихтисос дода буд. Якбора се тарҳи Тселл: лоиҳаи «Digital Camp Tcell» дар бахши «Беҳтарин чорабинии омӯзишӣ», тарҳҳои «Табрикоти 8-март» ва «Эҳсосоти брендӣ барои Viber» дар самти «Беҳтарин рӯйдоди онлайнӣ» мукофоти баландтаринро соҳиб гаштанд.
Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.
04.12.2018
Ширкати Tcell ҳамчунон ба беҳбуд ва навсозии шабака идома медиҳад. Навовариҳои ахир ба ноҳияҳои тобеъи марказ рост омаданд: дар Рашт, Тоҷикобод ва ноҳияи Лахш 9 пойгоҳи ҷадиди стандарти 3G насб гардид!
Бо шарофати пойгоҳҳои нави мавҷрасон дар 37 деҳаи ин навоҳӣ наздик ба 38.000 нафар дастрасӣ ба шабакаи ҷаҳонии интернетро пайдо карданд. Ба воситаи интернети баландсуръати мобилӣ, сокинони ин манотиқ ба манбаъ ва сарчашмаҳои бузурги иттилотӣ даст ёфта, ҳамеша бо хонаводаву наздиконашон дар тамос боқӣ мемонанд, аз ҷумла тавассути барномаи «Чӣ Гап» аз Tcell.
«Tcell лоиҳаи бозсозӣ ва таҷдиди шабакаашро дар манотиқи кишвар идома мебахшад. Мо талош мекунем, ки ҳама сокинони Тоҷикистонро, ҳатто дар дурдасттарин нуқтаи аҳолинишину камнуфус ҳам бо иртиботи боэътимод таъмин намоем. Пойгоҳҳои нави стандарти 3G дар ноҳияҳои Рашт, Тоҷикобод ва Лахш ҳудуди бисёр аз рустоҳои водиро бо иртибот таъмин менамоянд. Таври мисол, дар яке аз майдатрин рустоҳои минтақа ҳамагӣ 134 нафар зиндагӣ мекунанд. Пас аз таҷдиду бозсозии шабака онҳо аз дастрасӣ ба иттилоъ камбуд нахоҳанд дошт: ҳамеша бо иртиботи Tcell бо тамоми олам дар тамос хоҳанд буд», - иброз дошт директори генералии ширкати Tcell Озодхон Давлатшоев
Ширкати Tcell тавсеа ва тақвияти техникии шабакаро боз ҳам идома мебахашад. Навгонӣ ва навовариҳо дар куллияи манотиқи Тоҷикистон: дар пойтахт, НТҶ (ноҳияҳои тобеи ҷумҳурӣ), Суғд, ВМКБ ва Хатлон сурат мегиранд. Ин иқдом имкон медиҳад, ки қаламрави бештари кишвар бо шабакаи ҷадиди стандарти 3G ва 4G пайваст гардида, алоқа беҳтар шавад.
Дар чаҳорчӯби тавсеа ва рушди техникии стандарти насли чаҳорум– 4G фақат дар тӯли чанд моҳи ахир шабакаи ширкат дар ҳудуди шаҳрҳои Кӯлоб, Роғун, Данғара ва Хоруғ васеъ гардид. Шабакаи 4G аллакай ба сокинони ин шаҳрҳо имконият дод, ки ба интернети баландсуръати 20 Мбит/с дар шабакаи ҷаҳонӣ дастрасӣ пайдо намуда, аз навгониҳои илму техника, фарҳанг, маориф ва иқтисод бохабар шаванд.
Tcell –бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.
30.11.2018
Дар саросари олам дар арафаи Соли нав ба назди одамони меҳрубону хушбахт Бобои барфӣ меояд. Тибқи анъана, Санта Клаус бо костюми сурх ва риши сафеди дароз ва ё Бобои барфии русӣ бо либосҳои обӣ (кабуд) ҳамроҳи наберааш Барфак (Снегурочка) вориди хонаву кошонаи шумо мешаванд. Дар Ӯзбекистони ҳамсоя Бобои барфи ҷомаи рах-рах мепӯшаду тоқии сурх дорад. Дар Қирғизистон бошад, либоси Бобои барфӣ сафеди нақшдор аст, аммо дар Гурҷистон ӯ ранги сафед ва сиёҳро авлотар медонад.
Имсол Tcell парда аз рӯи асрор мебардорад: Бобои барфии ҳақиқӣ- бунафшранг аст! Ва фақат ӯ ҳадяи беҳтарину ҳақиқиро пешниҳод мекунад- гуфтугӯи бемаҳдуд дар тамоми соли 2019!
Бобои барфии бунафшранг меҳмони сокинони Душанбе, Хуҷанд, Бохтар (собиқ Қӯргонтеппа), Кӯлоб, Турсунзода ва Хоруғ гардида, ба ҳамагон тӯҳфаҳои арзишманду ҳақиқиро пешниҳод менамояд! Бобои барфӣ дар фурӯшгоҳҳои бузург, раставу бозор, хиёбон ва ҷойҳои серодам пайдо шуда, бо сокинон сайру гашт хоҳад кард.
Ҳангоми вохӯрӣ бо Бобои бунафшранг зарур аст рамзеро ном баред, ки дар ҳама саҳифаҳои Тселл дар шабакаҳои иҷтимоӣ ва радиои “Love Radio” эълон хоҳад шуд. Барои ироаи рамз (посух)-и дуруст, Бобои барфӣ тӯҳфа- “Солонаи бемаҳдуд”-ро ба сокинон тақдим менамояд
«Солонаи белимит 2019» аз Tcell – ин суҳбати бемаҳдуд дар дохили шабака ва мегабайтҳои интернет давоми соли 2019 аст.
Шонс (имконият)-и пайваст шудан ва ё тӯҳфа кардани хизматрасонии “Солонаи белимит 2019”-ро аз даст надиҳед! Аз эълону навгониҳои Tcell дар шабакаҳои иҷтимоии Facebook, Instagram, VK, OK, Viber ва Telegram, инчунин радиои “Love Radio”-ро пайгирӣ намоед, рамзро дар ёд дошта бошед ва ҳангоми рӯбарӯ шудан бо Бобои барфии Бунафшранг онро гуфта, соҳиби ҳадяи арзишманд- иртиботи бемаҳдуд аз Tcell шавед!
Facebook: https://www.facebook.com/tcell.tj/ https://www.instagram.com/tcell.tj/ https://vk.com/tcell https://ok.ru/tcell.tj Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.
28.11.2018
23.11.2018
Аз соати 17:00 рӯзи 20.11.2018 то 21.11.2018 баъзе аз муштариёни Тcell бо сабабҳои новобаста аз Ширкат, мушкили дастрасӣ ба интернет ва зангҳои дохилиро доштанд. Мутахассисони ширкат барои дар зудтарин фурсат бартараф намудани мушкилӣ саъю кӯшиш намуданд. Ширкати Tcell аз шумо барои нороҳати маъзарат мепурсад. Ташаккур барои дарки шумо!
21.11.2018
Дар ҳоли ҳозир баъзе аз муштариёни Тcell бо сабабҳои новобаста аз Ширкат, мушкили дастрасӣ ба интернет ва зангҳои дохилиро доранд. Мутахассисони ширкат кӯшиш доранд, дар зудтарин фурсат мушкилро ҳал намоянд. Ширкати Tcell аз шумо барои ин мушкилот маъзарат мепурсад.
Ташаккур барои дарки шумо!
21.11.2018
Ширкати Tcell ва Спитамен Бонк дар мавриди хизматрасонии ҷадид, ки тавассути он имкони пурра кардани ҳисоби телефонҳои мобилӣ аз тариқи кортҳои бонкии “Корти миллӣ” имконпазир мешавад, эълон намуданд! Ин кортҳо дар ҳама бонкҳои кишвар дастрас мебошанд.
Муштариёни Tcell имкон доранд тавозуни телефонҳои ҳамроҳи худро бе пардохти иловапулӣ (комиссия) ва дар реҷаи шабонарӯзӣ пур намоянд, барои ин фақат бо худ доштани корти бонкии “Корти миллӣ” аз бонки дилхоҳ зарур аст
Ин амалро мешавад хеле содда анҷом дод: ба бахши «Хизматрасониҳо» -и сомонаи Tcell ворид гардида, шарти «Пурра кардани тавозун тавассути кортҳои “Корти миллӣ”-ро интихоб намоед.
Дар ин қисмат чунин шартҳоро иҷро кардан зарур аст: рақами кортро нишон медиҳед, ному насаби соҳиби кортро менависед, муҳлати анҷоми эътибори корт CVV2 (CVC2)-ро хонапурӣ мекунед. Баъдан, муштарӣ бояд пардохтро тавассути рамзи SMS-паёмак тасдиқ намояд. Маблағ аз ҳисоби корт ба рақами нишондода гузаронида мешавад. Тавозунро тариқи дилхоҳ рақами Тселл пурра кардан мумкин аст.
«Мо кӯшиш мекунем, ки барои муштариён беҳтарин ва мақбултарин шароитҳои хизматрасониро роҳандозӣ намоем. Тавозуни телефон метавонад дар вақти барои шумо ноқулай ба охир расад: нисфи шаб, дар роҳ ва ё аснои суҳбати зарурӣ, ки гуфтугӯи мустақим дар ин лаҳза хеле зарур аст. Бо хидматрасонии пурра кардани тавозун тавассути кортҳои “Корти миллӣ” муштариёни мо ба ҷустуҷӯи банкомат намепардозанд. Тариқи ин намуд хизматрасонӣ тавозуни худро метавонед пурра намоед, ба ҳисоби рақами дӯстону пайвандон маблағ гузаронед», - қайд карданд дар ширкат.
Пурра кардани тавозун тавассути кортҳои «Корти миллӣ» бе иловапулӣ, дар пайванди зер дастрас аст: https://pay.spitamen.com/tcell/
Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.
20.11.2018
16 ноябри соли 2018 – барои ҳамаи Тоҷикистон рӯзи таърихист! Дар ин рӯз, ки ҳамасола ҳамчун Рӯзи Президент таҷлил мегардад, чархаи нахустини неругоҳи Роғун ба кор даромад ва ин иқдом бозгӯ аз он аст, ки қадами ҷиддӣ ва устувор дар роҳи даст ёфтан ба истиқлолияти комили энергетикӣ, инчунин иҷро шудани яке аз ҳадафҳои асосии рушди стратегӣ дар ҷумҳурӣ гузошта шуд! Tcell ҳамаи сокинони Роғунро табрик гуфта, ба онҳо мегабайтҳои ройгон (бепул)-и интернет ҳадя кард. Ҳамзамон, барои ҳамаи онҳое, ки дар баҳрабардории чархаи аввалини неругоҳ ширкат доранд, иртиботи боэътимодро пешниҳод намуд.
Ба кор даромадани НБО-и Роғун, ки аз бузургтарин тарҳҳои энергетикӣ дар Осиёи Марказӣ хоҳад буд,- қадами устувор барои бунёди низоми энергетикии кишвар аст. Зимни ҳар як суханронӣ ва суҳбатҳои телевизиониаш райисҷумҳур Эмомалӣ Раҳмон ба мавзӯъи неругоҳи мазкур дахл карда, иброз медорад, ки рушди бонизом ва вусъатноки иқтисоди кишварро бе таъмини истиқлолияти энергетикӣ дар ҳама бахшҳо тасаввур кардан ғайримкон аст.
Ширкати Tcell, ки ширкати тамоюлаш иҷтимоист ва бахши иқтисодро дастгирӣ менамояд, дар маросими баҳрабардорӣ ва ба кор даровардани бузургтарин тарҳи гидроэнергетикии Тоҷикистон кӯмак расонд. Дар қаламрави иншооти мазкур истгоҳи мавҷпарокании Тcell насб гардида, барои ҳамаи иштирокчиёни чорабинӣ: намояндагони кишварҳои хориҷӣ, созмонҳои байналмилалӣ, корпусҳои дипломатӣ ва хабарнигорон иртиботи боэътимодро фароҳам овард.
Ширкати Tcell ба ин муносибат ва иди ҳақиқӣ куллияи сокинони Роғунро табрик гуфта, ба сифати ҳадя дар рӯзи ба кор даромадани чархаи нахустини НБО ба ҳар як муштарӣ 100 Мб Интернет тӯҳфа кард!
Чанд моҳ қабл бошад, 15 000 сокини Роғун аз имконияти нави технологӣ аз Tcell баҳраманд гардиданд. Tcell аввалин ширкати телекомуникатсионӣ аст, ки дар шаҳри Хоруғ шабакаи 4G-ро роҳандозӣ кард. Муштариёни ширкат аллакай аз имкониятҳои иртиботи 4G бо суръати то 50Mbit/s истифода мекунанд!
«Рушди бомароми иқтисодии корхонаҳо дар шароити феълӣ бе иртиботи боэътимод ва роҳандозии навгониҳои иноватсионӣ номумкин аст. Интернети босуръат дар вазъияти муосири технологӣ шароит муҳайё мекунад, ки сифати истеҳсолот боло равад ва манфиати иқтисодӣ нигоҳ дошта шавад. Маҳз барои ҳамин ҳам, имрӯз дар шаҳри Роғун 4G аз Tcell фаъол аст. Шабакаи устувори энергетикӣ дар саросари кишвар- яке аз ҳадафҳои асосии тиҷорати мо аст. Мо дар ҳамҷоягӣ бо ҳамаи тоҷикистониён аз ба кор даромадани нахустин чархаи неругоҳи бузургтарини Осиёи Миёна- Роғун изҳори хушҳолӣ карда, ба ин рӯзи таърихӣ ва саҳнаи тақдирсоз ҳамагонро табрику муборакбод мегӯем”,- иброз дошт директори генералии ширкати Tcell Озодхон Давлатшоев
Кормандони Tcell ҳамчунин Рӯзи Президентро, ки ҳамасола рӯзи 16 ноябр таҷлил мегардад ва имсол он ба санаи ба кор даромадани чархаи аввалин НБО-и Роғун иттифоқ уфтод, ҷашн гирифтанд. Дар ширкат пахши навори мустақими ба фаъолият шурӯъ кардани чархаи неругоҳ намоиш дода шуд.
Бар пояи тарҳи асосӣ НБО-и Роғун аз 6 чарха (агрегат)-и тавлиди барқ иборат буда, иқтидори истеҳсолии ҳар кадоме аз онҳо ба 600 МВт баробар аст. Тавоноии умумии неругоҳ муодили 3600 МВт буда, ин нишондиҳанда имкон медиҳад, ки НБО-и Роғун дар минтақаи Осиёи Марказӣ бузургтарин тарҳи гидроэнергетикӣ маҳсуб гардад.
Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.
16.11.2018
Шабакаи 4G Кӯлоб
Ширкати Tcell миёни шабакаҳои мобилии кишвар нахустин шуда барои сокинони шаҳри Кӯлоб иртиботи баландсуръати 4G-ро фароҳам овард! Шабакаи 4G аллакай нисфи зиёди шаҳрро фаро гирифта, беш аз 100 000 нафар сокинон имкони пайваст шудан ва истифода аз интернети балансуръатро пайдо намуданд!
Ширкати Tcell, ки дар пешниҳоди хидматрасониҳо ва тасмимгириҳои иноватсионӣ пешоҳанги бозори кишвар мебошад, шабакаи худро дар қаламрави Тоҷикистон тавсеа дода, бозсохту тақвияти шабакаро идома медиҳад. Навсозии навбатии иноватсионӣ дар шаҳри Кӯлоб ба вуқӯъ пайваст- дар ин ҷо пойгоҳи мавҷрасони 4G, ки алоқаи мобилӣ ва трафики интернетро суръат мебахшад, ба фаъолият оғоз кард. Сокинони Кӯлоб аз ин ба баъд метавонанд аз имкониятҳои бузурги шабакаи ҷаҳонӣ: тамошои наворҳои мустақим, филму видеоҳои гуногун, рухдодҳои варзишӣ, бозиҳои онлайн истифода бурда, табодули маводҳои видеоии ҳаҷмашон калонро бо суръати то 50 Мбит/с ба роҳ монанд!
Дар ҳоли ҳозир ширкати Tcell дар аксари манотиқи Тоҷикистон шабакаи ироаи хизматрасонии насли 4G (интернети баландсуръат ва иртибот)-ро роҳандозӣ кардааст. Шурӯъ аз соли 2014-ум, ки ширкати Tcell ба васли шабакаи 4G дар ҷумҳурӣ оғоз намуд, қариб дар аксари шаҳру манотиқи Тоҷикистон ин намуди хидматрасонии иноватсионӣ дастрас шудааст. Фақат дар чанд моҳи ахир шабакаи 4G дар 3 шаҳр: Данғараи вилояти Хатлон, Роғун (НТМ) ва Хоруғи ВМКБ ба сокинон дастрас шуд. Ба мушкилоти мухталиф нигоҳ накарда, дар манотиқи кӯҳистони кишвар марҳила ба марҳила насбу васли шабакаи 4G аз сӯи ширкати Tcell идома хоҳад ёфт.
«Агар дар мавриди тавсеаи шабака ҳарф занем, Tcell дар ҳеч шакле пешсафиро аз даст доданӣ нест. Ҳадафи мо- пешниҳод (ироа)-и иртиботи балансифату балансуръат барои тамоми сокинони Тоҷикистон аст. Чанд моҳи ахир мо дар шаҳрҳои Данғараи вилояти Хатлон, Хоруғи ВМКБ ва Роғун шабакаи насли нав- 4G-ро фаъол кардем. Айни ҳол ин хизматрасонӣ бо имконоти васеъ ва сифати олӣ ба сокинон дастрас аст. Мо барои рушди бонизоми ҷомеъа аз имконоти технология ва хизматрасониҳои ҷадид истифода мебарем ва онро тавсеа хоҳем бахшид”,- мегӯяд директори генералии ширкати Tcell Озодхон Давлатшоев.
Ширкати Tcell барои истифодаи 4G интернет тарофаи зарурии «Даркор»-ро бо ҷадвали вижа пешниҳоди муштариён мекунад. Шартҳои тарофаи нақшавии «Даркор» бо ба ҳисоб гирифтани талаботи корбарони фаъоли интернет коркард шудааст. Масалан, тарофаи маъмули “Даркор 59”, ба истифодабаранда имконият медиҳад, ки бо пардохти ҳамагӣ 59 сомонӣ соҳиби 3000 МБ трафики Интернет, 30 дақиқа занги баромад ба дигар операторон ва иртиботи бемаҳдуд дар дохили шабакаи Тcell давоми як моҳ шавад.
Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад.
AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.
14.11.2018
*607*1# -ро иҷро кунед.
12.11.2018
ХХХХХ4882 - 4216 имтиёз - 250 сомонӣ
ХХХХХ3000 - 3149 имтиёз - 200 сомонӣ
ХХХХХ3354 - 2037 имтиёз - 150 сомонӣ
ХХХХХ0900 - 666 имтиёз - 100 сомонӣ
ХХХХХ6214 - 565 имтиёз - 50 сомонӣ
ХХХХХ4020 - 526 имтиёз - 30 сомонӣ
Ба муштариёни ғолиб маблағи зарурӣ (эълоншуда) дар тавозуни телефонашон гузаронида мешавад. Табрик мекунем!
Дар Викторина ширкат намоед ва барои ҷоизаи асосӣ талош варзед! Ғолиби моҳ рӯзи 19-уми ноябри соли 2018 муайян мегардад. Муштарии ғолиб даъват ва бо маблағи 2000 сомонӣ мукофтонида мешавад.
Маълумот дар бораи даврҳои баъдӣ (Оғоз 00:00 ва анҷом 23:59:59);
Даври 2 - 18.10.2018 – 18.11.2018
12.11.2018
Лоиҳаи ширкати Tcell дар бахши омӯзишу парвариш - «Форуми боз» тайи 3 соли ахир амалӣ мешавад. Ширкат тасмим дорад, ки дар наздиктарин фурсат баргузории форумҳоро на фақат дар Душанбеву Хуҷанд, балки дар дигар минтақаҳо низ роҳандозӣ намояд! Сухангӯён ба дафтарҳои намояндагии Tcell дар манотиқи мухталифи Тоҷикистон рафта, ба мухотабон доир ба ин ё он масъалаи маорифу омӯзиш суҳбат хоҳанд кард!
“Форуми боз” аз Tcell – ин як майдон (платформа) барои табодули таҷриба миёни суханрон ва мухотабон аст. Ширкат дар форумҳои боз аз Тселл барои ҳама комилан ройгон аст: хонандагони мактабҳо, устодони касби худ ва куллияи онҳое, ки чизеро омӯхтанӣ ҳастанд ва ё меомӯзонанд, дар нишастҳо иштирок менамоянд.
Аз моҳи июни соли 2015 ба ин сӯ беш аз 50 “Форуми боз” дар ширкат баргузор шудааст. Сухангӯён бошанд аз бахшҳои гуногун: телекоммуникатсия, молия, тиҷорат, фарҳангу санъат, бозорёбӣ (маркетинг), равоншиносӣ, забоншиносӣ, суратгирӣ (аккосӣ), наворгирӣ ва ғайра дар ин ҷо ҳузур ёфтанд.
Дар соли 2015 ин тарҳ бо он шурӯъ гардид, ки бархе аз кормандони ширкати Tcell дар назди ҳамкорони худ баромад карда, аз таҷриба ва ҷараёни кор, инчунин паҳлуҳои дигари фаъолияташон нақл намуданд. Бо гузашти чанд моҳ, майдони табодули таҷриба ва сухангӯён васеътар гардида, мураббиёну коршиносони дохиливу байналмилалӣ аз бахшҳои гуногун ба лоиҳа таваҷҷуҳ зоҳир карданд.
Ҳамин тавр, дар Tcell инҳо дар ҳамоишҳо ширкат ва суханронӣ доштанд: Алекс Лонг , масъули ширкати Google дар минтақаи Уқёнуси Ором, Сергей Долженков , равоншинос, мушовир оид ба созмони тавсеавӣ (рушд) аз Қирғизистон, Денис Баталин , коршиноси диҷитол-бозорёб (digital-маркетинг) ва тарғиби онлайни оҷонсии «Adconsult», Нона Маҷидӣ , муовини раиси шӯроҳои амрикоӣ оид ба омӯзиши байналмилалӣ, Лейла Амонгоссова , мутахассис дар тавсеаи бозорёбӣ, хадамот ва фурӯш аз Қазоқистон.
Тайи соли равон (2018) бошад, Шараф Давлатов , сарвари American Space Dushanbe дар мавриди фаъолият ва дастовардҳои “Гӯшаи Амрико” дар Душанбе нақл карда, Карина Сафоева , мудир оид ба рушди ширкати «55 Group» дар бораи чӣ тавр муваффақ шудани духтарон дар Тоҷикистон аз дидгоҳу таҷрибаи шахсияш сӯҳбат доштанд. Кахрамон Бакозода , директори маркази таҳқиқотии «Зеркало» иштибоҳҳои асосиро дар фаъолияти тоҷирони навкор шарҳ дода, роҳи бурунрафтро аз мушкилро тавзеҳ дод. Лейла Амонгоссова бо мухотабон (аудитория) бозии тиҷоратиро роҳандозӣ карда, шаклгирии арзишҳоро барои коллектив ва кормандон бо мислоҳои мушаххас баён сохт. Рустам Хоҷаев ва Комил Раҷабов , намояндагони созмони Tajikistan Oracle User Group чигунагии вазъ ва рушди IT-технологияро ба иштирокчиён бозгӯ карданд.
Лоиҳаи «Форуми боз дар Tcell» дар миқёси байналмилалӣ низ қадрдонӣ ёфт: моҳҳои ноябр ва декабри соли 2016 тарҳи мазкур барандаи ду ҷоиза- «Беҳтарин рӯйдоди омӯзишӣ»-и озмуни EACA (Event Awards Central Asia) ва «Беҳтарин тарҳи иҷтимоии омӯзишӣ»-и мукофоти Global Event Awards гардид. Маврид ба ёдоварист, «Форумҳои боз»-и Тселл дар байни 84 лоиҳа аз 11 мамлакат, ки ба озмун пешниҳод шуда буданд, беҳтарин яке аз беҳтаринҳо эътироф гардиданд.
Tcell дар оянда низ тасмим дорад «Форуми боз»-ро идома бидиҳад. Маълумоти бештарро дар мавриди форумҳои ширкат аз шабакаи иҷтимоии Facebook бо нишонии зерин дарёфт карда метавонед: https://www.facebook.com/tcell.tj
Агар Шумо таҷрибаатонро паҳн кардан мехоҳед, чизеро омӯзониданиед ва ё ба рушди ҷомеъа дар Тоҷикистон бетафовут нестед, пас бетараф набошед! Агар тасмим доред, ки дафъаи оянда сухангӯи “Форуми боз” бошед, ба почтаи электронии Parviz.Rahmatulloev@tcell.tj дархост ирсол намоед.
Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.
09.11.2018
Дар Душанбе чорабинии сатҳи байналмилалӣ- TEDxFSCJ сурат пазируфта, ширкати Tcell ҳамчун шарики диҷитол (ададӣ) дар он саҳм гузошт. Интернет аз Tcell шаҳрҳои Душанбе ва Ҷексонвили иёлати Флоридаи ИМА-ро ба ҳам пайваст кард. Суханронон ва навоварони ду кишвар дар ҷараёни ҳамоиш ба таҷрибаҳои ҳамдигар ошно шуда, дар мавзӯи “Навовариҳои бетардид” табодули афкор карданд. TED – бунёд (фонд)-и ғайритиҷоратӣ буда, ҳадафи асосиаш паҳн кардани идеяҳои беназир (“Ideas worth spreading”) мебошад. Нишасту конфронсҳои TED ҳар сол теъдоди зиёде аз беҳтарин суханварони сатҳи ҷаҳонӣ- адибону сиёсатшиносон, навоварон, бозоршиносону тоҷирон, ҷомеъашиносону иқтисоддонҳо ва миллионҳо мухотабонро бо шарофати пахши ройгон дар интернет ҷамъ меорад. Дар саросари олам- дар донишгоҳу ширкатҳои мухталиф, шаҳрҳо ва минтақаҳои бузург конфронсҳои TEDx – чорабиниҳои мустақил дар чаҳорчӯби TED баргузор мешаванд.
Мавзӯи баҳс дар ҳамоиши TEDxFSCJ дар Душанбе «Навовариҳои бетардид» буд ва интихоб рӯи ин мавзӯъ тасодуфӣ нест. Пешрафти технологӣ ҳар лаҳза имконпазир аст ва соат ба соат ба пеш ҳаракат мекунад. Ҳама рӯз одамон бо он сару кор доранд, дар шабакаҳои иҷтимоӣ дигаргун мешаванд, навгониҳо дар илму техника татбиқ мегарданд, одамон идеяҳои навро ба илму технология дохил менамоянд.
«Tcell наметавонист дар баргузории чунин ҳамоиш канор биистад. Мавзӯи «Навовариҳои бетардид» барои Tcell, ҳамчун ширкати бузургтарин дар бозори мобилӣ чизи ноошно ва ғайриқобили қабул нест, дар ин масир мо стратегияи корхонаи худро мебинем. Tcel,l ҳамчун аввалин ширкат дар бозори мухобироти Тоҷикистон, ки ба ҷомеъа роҳи ҳалли мушкилоти технологиро пешниҳод месозад ва иртиботи виртуалиро роҳандозӣ мекунад, бар ин бовар аст, ки маҳз ана ҳамин тафаккури навоваронаи иноватсионӣ таҳрикдиҳандаи дунё мебошад”,- иброз дошт аснои ифтитоҳи конфронс директори генералии ширкати Tcell Озодхон Давлатшоев.
Се сухангӯ аз Душанбе ва ду нафари дигар аз ИМА ба ҳам омада, тавассути пахши мустақим (он-лайн) масъалаи “Навовариҳои бетардид”-ро ба баррасӣ гирифтанд. Тоҷикистонро дар ин ҳамоиш- Абдулло Қурбанов (соҳибкор, муассис ва сарвари Alif Capital), Насиба Мирпочоева (соҳибкор ва фаъоли ҷомеъаи шаҳрвандӣ), инчунин Абдураҳмон Абдурашидов (бунёдгузори ширкати “IT-муассисаи “Durandesh”) муаррифӣ карданд. Аз Амрико бошад- Калаи Санкар (муассиси ширкати “Shiva Robotics Academy”) ва Ҷейн Лэндон (ноиб-райиси калони Web.Com) бо онҳо дар тамоси мустақим буданд.
Аснои нишаст табодули таҷриба ва баҳсҳои ҷолиб сурат гирифт: чӣ тавр онҳо мехоҳанд таваассути иноватсия (пешниҳодҳои нав) ва табиқи ин идеяҳо дунёро ба гунаи дигар бубинанд, марзҳоро убур намоянд ва пешрафтро муҳайё созанд. Онҳо мушкилоту монеаҳои аслиро дар ин роҳ номбар карда, ба мухотабон роҳҳал пешниҳод сохтанд.
TEDxFSCJ Dushanbe был проведен при поддержке Посольства США в Таджикистане.
Барои дидани барномаи комили TED нишонии зер: https://www.ted.com/ -ро дар шабакаи Youtube ва ё http://www.facebook.com/TED дар Facebook нохун бизанед.
Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.
05.11.2018
Мехоҳед дониши худро бисанҷед ва якбора соҳиби мукофоти пулӣ шавед? Tcell викторинаи «Ҳисоб кун ва ба даст овар»-ро пешниҳод менамояд!
Маблағи ҷоизаҳои викторина:
Марҳилаҳо
Ҷамъбасти натиҷа
Ҷой
Маӣлағ
Мукофоти ҳаррӯза
Ҳар рӯз дар с
1
75 сомонӣ
2
50 сомонӣ
3
25 сомонӣ
4-10
8 сомонӣ каждому
11-15
4 сомонӣ каждому
Маълумоти умумӣ:
Сабт ва иштирок дар Викторина тариқи фармони: *8118#
Маълумот дар бораи рейтинги иштирокчиён тавассути: *8118*3#
Махлумоти умумӣ дар бораи Викторина: *8118*4#
Қатъ кардани Викторина (хизматрасонӣ): *8118*0#
Шарҳу тавзеҳи бозӣ: Пас аз анҷоми ҳар як марҳилаи Викторина, вобаста ба саҳеҳӣ ва дурустии ҷавобҳои иштирокчиёну вақти барои посух сарфшудаи онҳо рейтинги ширкатдорон омода мешавад. Баъди анҷоми ҳар давр (марҳила) бошад, рейтинги иштирокчиён ба таври инфиродӣ ҷамъбаст гардида, натиҷаи умумӣ ҳосил мешавад. Дар асоси ин ҷамъбаст ғолибони марҳилаҳои Викторина муайян мегарданд.
Пас аз сабт ва пайваст шудан ба Викторина муштарӣ мисолҳои риёзӣ (математикӣ) барои ҳал кардан дарёфт менамояд. Масалан: 8+2-1=?; 4+8*2=? ...
Ҳар як посухи дуруст ба иштирокчӣ 10 имтиёз меорад, ҷавобҳои нодуруст холҳои қаблан дарёфтшударо кам намекунад.
Дар охири ҳар рӯз (соати 00:00:01) 15 муштарие, ки
давоми рӯз имтиёзҳои бештар ба даст овардаанд, муайян гардида, ба таври худкор
(автоматӣ) ба тавозунашон маблағ гузаронида мешавад.
05.11.2018
ХХХХХ3000 - 5519 имтиёз - 250 сомонӣ
ХХХХХ4020 - 3128 имтиёз - 200 сомонӣ
ХХХХХ4882 - 1251 имтиёз - 150 сомонӣ
ХХХХХ3354 - 1021 имтиёз - 100 сомонӣ
ХХХХХ0900 - 939 имтиёз - 50 сомонӣ
ХХХХХ6214 - 550 имтиёз - 30 сомонӣ
Ба муштариёни ғолиб маблағи зарурӣ (эълоншуда) дар тавозуни телефонашон гузаронида мешавад. Табрик мекунем!
Дар Викторина ширкат намоед ва барои ҷоизаи асосӣ талош варзед! Ғолиби моҳ рӯзи 19-уми ноябри соли 2018 муайян мегардад. Муштарии ғолиб даъват ва бо маблағи 2000 сомонӣ мукофтонида мешавад.
Маълумот дар бораи даврҳои баъдӣ (Оғоз 00:00 ва анҷом 23:59:59);
Даври 2 - 18.10.2018 – 18.11.2018
05.11.2018
Ширкати Tcell тими футболи наврасони Тоҷикистон (U-16)-ро, ки чанде қабл барандаи роҳхати Қаҳрамонии футболи ҷаҳон дар Перу-2019 (U-17) ва дар Қаҳрамонии Осиё-2018 соҳиби медали нуқра гардиданд, қадрдонӣ кард! Ширкат ба бозигарони дастаи наврасон ва ҳайати мураббиён sim-кортҳои нуқрагин бо тарофаи “Даркор” тақдим намуда, тамоми сол онҳоро бо иртиботи ройгону интернети бемаҳдуд таъмин мекунад.
Директори генералии ширкати Tcell Озодхон Давлатшоев бо футболбозони наврас мулоқот карда, онҳоро ба ин дастоварди варзишӣ дар сатҳи байналмилалӣ табрик кард. Зимни суҳбат варзишгарон аз лаҳзаҳои бозиҳои финалӣ ёдовар гардида, эҳсосу хотираҳои худро нақл карданд.
Озодхон Давлатшоев ба дастаи мунтахаби футболи наврасон дар сабқати ҷаҳонии футбол (Перу-2019) пирӯзиро таманно карда, аз номи ширкат ба онҳо симкорту туҳфаҳоро тақдим намуд. Варзишгарон имкон доранд, ки ба шабака пайваст шуда, тамоми сол аз иртиботу интернети ройгон аз тарофаи “Даркор” аз Tcell истифода баранд.
«Дастаи мунтахаби футболи наврасони Тоҷикистон барои ҳамаи тоҷикистониён мояи ифтихору сарбаландӣ гардидааст, дар ҳақиқат бо ин варзишгарон метавон ифтихор кард! Инҳо намунаи беҳтарини тарзи ҳаёти солим барои дигаронанд! Барои Tcell мулоқоту дастгирӣ аз ин бачаҳо амри воқеист, ин вазифаи пурмасъулияти ширкат дар назди ҷомеъа аст. Ширкати Tcell бо дастгирии варзишгарон ва саҳмгузорӣ дар рушди варзиши кишвар саъю кӯшиш менамояд, ки таваҷҷуҳи насли наврасро ба варзиш ҷалб намуда, онҳоро аз ҳар гуна падидаҳои номатлуб ва рафтан ба роҳи нодуруст ҳифз намояд”- мегӯяд директори генералии ширкати Tcell Озодхон Давлатшоев.
ШиркатиTcell ҳамеша ҷонибдори тарзи ҳаёти солим буда, ба бахши варзиш, аз ҷумла футбол таваҷҷуҳи хоса зоҳир мекунад. Яке аз лоиҳаҳое, ки чанде қабл ширкати Тселл муштаракан бо Федератсияи футболи Тоҷикистон анҷом дод, сарпарастии Лигаи футболи кӯдакон таҳти унвони “Футбол ба назди шумо меояд» буд. Ин ҷашнвораи варзишӣ аз моҳи январ то апрели соли равон дар ҳама минтақаҳои Тоҷикистон идома ёфта, дар майдончаҳои варзишӣ беш аз 15.000 кӯдаки аз 6 то 12-сола ширкат карданд.
Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.
01.11.2018
Tcell як қатор абзорҳоро пешниҳод менамояд, ки муштарӣ вақти худро беҳуда сарф накарда, мустақилона дар бораи хизматрасонӣ ва тарофаҳо маълумоти муфид мегирад. Таври мисол, ба ҷои тамос бо маркази хизматрасонӣ ё рафтан ба он ҷо, муштарӣ имкон дорад барномаи “Tcell-и ман” (Мой Tcell)-ро боргирӣ кунад, ё суолашро бевосита ба пайёмрасони “Чат-бот дар Telegram” ирсол намояд. Чунин абзорҳо ба ғайр аз пешниҳоди маълумот, дар мавриди идораи хидматрасониҳо низ кӯмак менамоянд: пайваст ва ё қатъ кардани тарофаву хизматрасониҳо, тафтиши тавозуни телефону бақияи ҳисоби ҷорӣ, мушоҳидаи фаъолиятҳои ахири муштарӣ.
Беҳтарин абзорҳои худхизматрасонӣ аз Tcell дар ҳоли ҳозир- барномаи Tcell-и ман” (Мой Tcell), портали ягонаи иттилоотии *105# ва Чат-бот дар мессенҷери Telegram мебошанд.
Tcell Bot дар Telegram
Функсияҳо: Истифодаи Чат-бот аз Tcell ҳамчунон содда аст- ба монанди пайёмнависӣ ба дӯстатон: бот дар муддати чанд сония иттилоъи комилро ба муштарӣ пешниҳод менамояд. Барои муштарӣ чунин хидматрасониҳои ёрирасон дар шохисҳои: «Тарифаҳо», «Хидматрасониҳо», «Манобеъ», «Интернет», «Маълумоти инфиродӣ», «Пурра кардани тавозун», «Идора (дафтар)-ҳо дар харита», «Роуминг», «Аксияҳо», «Барномаҳои мобилӣ», «Мағоза» ва «Ҷойи кор» ҷо дода шудаанд.Тарзи ҷустуҷӯ ва дарёфт: https://t.me/tcellchat_bot ва ё дар сатри ҷустуҷӯи Telegram вожаи @tcellchat_bot –ро ворид карда, муколамаро оғоз намоед.
Tcell-и ман (Мой Тсеll)
Функcияҳо: Барномаи “Мой Tcell” ба муштариён имкон медиҳад, ки хидматрсонӣ ва тарофаҳои дилхоҳи худро дар реҷаи реалӣ идора намоянд. Барнома ҳамчунин ба маълумоти инфиродии муштарӣ (тарофаи ҷорӣ, хидматрасониҳои пайвастшуда, вазъи тавозун ва мушаххасоти дигар) шароит фароҳам меорад.Хидматрасонии ин барнома низ бо забонҳои тоҷикӣ, русӣ ва англиси дастрас буда, ҳар моҳ беш аз 30 ҳазор муштарӣ аз он истифода мебаранд.Арзиш: ҳангоми истифода аз хидматрасонии мобилии Мой Tcell маблағ ситонида намешавад, яъне ин абзор барои шумо ройгон пешниҳод мешавад.Тарзи ҷустуҷӯ ва дарёфт: барномаро аз Google Play ва App Store боргирӣ кардан мумкин аст. Кор дар утоқи инфиродии муштарӣ тавассути веб-сайт бо нишонии зерин имконпазир аст: http://my.tcell.tj/
Портали ягона (воҳид)-и иттилоотии *105#
Функсияҳо: портали ягона (воҳид)-и иттилоотии *105# барномаи алтернативӣ маҳсуб ёфта, амалан ҳамон кору амали қаблиро анҷом медиҳад: фаҳмидани хароҷоти ҷорӣ, идораи хидматрасониҳо ва тарофаҳо. Фарқияти асосии портал ин аст, ки он пайвастшавиии фаъолро ба интернет тақозо намекунад. Ҳар рӯз аз ин портал беш аз 15 000 муштарӣ истифода менамоянд. Забони портал ба таври худкор (автоматӣ) аснои интихоби забони нотификатсия, ки муштарӣ интихоб мекунад, пешниҳод мегардад. Барои қабул кардани СМС-пайёмак ва дигар хидматрасониҳо бо забони тоҷикӣ фармони *257*1#; бо забони русӣ *257*2#; ва бо забони англисӣ фармони *257*3# -ро иҷро намоед.Арзиш: муштариёни Tcell аз ин портал ҳуқуқи истифодаи ройгонро доранд.Ҷустуҷӯ ва дарёфт: барои оғоз кардани кор дар ин портал фақат зарур аст, ки фармони оддии *105# ва занг-ро амалӣ кунед, ки он шуморо ба менюи асосӣ роҳнамойӣ менамояд. Сипас, барои гузаштан ба бахшҳои даркорӣ фармони «0» ва барои баргаштан ба ҳолати қаблӣ ва менюи асосӣ фармони «*» кӯмак мерасонанд.
«Муштарӣ на ҳама вақт метавонад аз сомона ва ё Интернет истифода барад ва ё ба хадамоти ёрирасон (дастгирӣ) муроҷиат кунад, ин дар ҳолест, ки аксари корбарону муштариён ба паёмрасонҳои мухталиф дастрасӣ доранд. Дар ҳама ҳолат: дар хона, ҷойи кор, аснои сайругашт муштарӣ метавонад вақти зиёдашро дар ҷустуҷӯи шабакаи Интернет сарф накарда, тавассути абзорҳои пешниҳодӣ маълумоти заруриро ба даст биёрад”,- мегӯянд дар ширкати Tcell.
Барои маълумоти бештар дар мавриди хидматрасониҳо, абзорҳо ва дигар навгониҳо ба нишонии интернетии ширкат муроҷиат намоед : https://www.tcell.tj/
Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.
29.10.2018
Ғолиби даври 1-ум (моҳи якум) Викторинаи «Билофосила» (рақами муштарӣ - имтиёзҳо – арзиши мукофот):
XXXXX6333 - 29671 имтиёз- 2000 сомонӣ
Маълумот дар бораи даври ҷорӣ ва марҳилаҳои оянда (оғоз 00:00 ва итмом 23:59:59):
Даври 2 - 18.10.2018 – 18.11.2018
Дар викторина-бозӣ ширкат кунед ва ҳар ҳафта мутаносибан соҳиби 250, 200, 150, 100, 50, 30 сомонӣ шавед!
Барои иштирок дар викторина фармони *600# -ро иҷро кунед.
18.10.2018
Ҳамагӣ ду ҳафта қабл аз ин ширкати Tcell...
18.10.2018
Чанде қабл ширкати Tcell дар шабакаҳои иҷтимоӣ Tcell Games – бозиҳои фикрии маҷозиро роҳандозӣ кард, ки дар он ҳар корбари шабакаи иҷтимоӣ имкони ширкат ва пирӯз шуданро дорад. Тайи 3 ҳафта, ки бозиҳо дар шабакаҳои иҷтимоӣ идома доранд, беш аз 100 нафар соҳиби тӯҳфаҳо аз Tcell шудаанд.
Дар солҳои ахир ҳар амали инсонҳоро метавон бо аналоги диҷитолӣ пайдо кард. Ҳатто бозиҳои шоҳмот, шашка, тениси рӯйи миз ва ғайраро ба таври маҷозӣ баргузор кардан мумкин аст. Рақиб дар як гӯшаи дунё ва шумо дар кунҷи дигар тавассути интернет ташкил ва баргузории бозиҳо мумкин аст. Ширкати Tcell ҳамчун муассисаи иноватсионӣ ҳамеша дар кору фаъолияти худ дастовардҳои ҷадиди технологӣ ва иноватсиониро ворид сохта, барои боз ҳам тақвияти иртибот бо муштариёнаш аз ин шева кор мегирад.
Яке аз чунин тасмимҳои ахири ширкат роҳандозии Tcell Games аст, ки тавассути он муштариён ҳам вақти худро хуш мегузаронанд, тафреҳ мекунанд ва ба ғайр аз туҳфаҳо дар бахшҳои гуногун дониши нав, фаҳмиши нав пайдо менамоянд.
Корбарони шабакаҳои Facebook, VK ва Одноклассники ҳоло роҳат метавонанд аз ин бозиҳо истифода баранд. Мушаххасот (профайл)-и корбар ба таври автоматикӣ аз тарафи система сабт шуда, ба пойгоҳи маълумоти бозигарон ворид мегардад.
Бозӣ аз 2 қисм иборат аст: Trivia – матни фикрӣ ва Puzzles – омехта ва саргармкунанда.
Tcell Trivia – ин матни вижаест, ки дар он донишу фаҳмиши худро дар мавриди муҳити атроф (ҷаҳон) санҷидан мумкин аст. Зимни он бо система рақобат кардан, даъвати дӯстон ба бозӣ ва ё муқобили дӯстон сабқат карда метавонед. Суолҳо бар пояи бахшҳои мухталиф: Ҷуғрофия, Варзиш, Таърих, Тоҷикистон, Фарҳанг, Мусиқӣ, Синамо, Тамаддун ва ғайра тартиб дода шудаанд.
«Агар Шумо мехоҳед вақтатонро шавқовар ва ба нафъи худатон пушти сар кунед, посухи викторинаҳои телевизиониро медонед, дар ҷои зарурӣ аз иқтибосу гуфтаҳои шахсиятҳои бузурги таърихӣ ёдоварӣ кардан мехоҳед, аз олами мусиқӣ бохабар ҳастед, бе мушкилӣ пойтахти Уругвай ва ё Камерунро медонед, аниқ ин ҷо барои шумост”,- мегӯянд дар ширкати Tcel дар бораи ин бозиҳоl.
Ба суолҳои бозии Tcell Trivia посухи дуруст дода ва қисмати “омехта”-и бозии Tcell Puzzles-ро ҳал карда, бозигар соҳиби имтиёз (хол)-ҳо мешавад. Имтиёзҳоро ба туҳфаҳо: Бастаҳои МБ интернет-трафик, Бастаи дақиқаҳо дар Тоҷикистон ва футболкаву кулоҳи рамздор иваз кардан мумкин аст.
Дар 3 ҳафтаи ахир, ки бозиҳо роҳандозӣ шудаанд, беш аз 100 корбар соҳиби туҳфа гардидаанд: 25 бастаи Интернет, 30 бастаи дақиқаҳо, зиёда аз 300 футболка ва кулоҳ! Дар шабакаи Facebook 4300 бозӣ сурат гирифта, 2200 паззл ҷамъ шудааст, дар VK – 480 бозӣ ва 220 паззл, инчунин дар Одноклассниках – 950 бозӣ ва370 паззл ҷамъоварӣ гардидааст.
Дар бозиҳо ширкат намоед ва соҳиби туҳфа шавед!
Пайванд (нишонӣ)-и бозиҳо:https://promo.tcell.tj/?social=fb https://promo.tcell.tj/?social=ok https://promo.tcell.tj/?social=vk
Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.
11.10.2018
