Нашр
Хабарҳо

Хабарҳо

RSS Поиск:
 

28 Июн. 2019
Ҷавонони Хуҷанд дар бораи технология дар «Tcell Debate Time» баҳс карданд


Tcell муштаракан бо American Space Khujand СҶ “Дафтари озодиҳои шаҳрвандӣ” («Офис гражданских свобод») барои ҷавонони Хуҷанд, ки донишҷӯёни марказҳои забономӯзӣ ва муштариёни корпоративии ширкат мебошанд, мусобиқоти мубоҳисавии «Tcell Debate Time»-ро баргузор намуданд. Донишҷӯён дар мавзӯи “Фанноварӣ ва ҷомеъа” бо забони англисӣ бо ҳам баҳс карданд.

Ин сабқати илмӣ ба Рӯзи Ваҳдати миллӣ бахшида шуда, дар доираи чорабинии «Tcell Debate Time» сурат пазируфт ва дар он 8 даста аз марокизи забономӯзӣ назири «Аркон», «Be Smart», «Сириус», «Уилям Шекспир», «Гӯшаи Амрико» ва «Доно»-и шаҳри Хуҷанд, инчунин тимҳои «Ҷаҳонро биомӯз» ва «London»-и шаҳри Истаравшан ширкат доштанд.   

Ҳамаи дастаҳо омодагии хуб доштанд ва дар ҷараёни мубоҳиса ба гунаи олӣ баромад карданд. Мавзӯи интихобшуда низ барои ҷавонони муосир рӯзмарра ва зарурӣ маҳсуб меёбад. Бачаҳо вориди майдони баҳс гардида, саводу дониши худро ба намоиш гузоштанд. Онҳо аз вижагиҳои технология (фанноварӣ)-и ҷадид дар замони ҳозир, ҳуқуқи муаллиф, интеллекти маснӯъӣ ва қоидаҳои истифодаи иноватсияҳои нав хуб бохабар буданд.

Ғолибони турнирро ҷоизаҳои арзишманд ва шаҳодатномаҳо аз ширкати Tcell интизор буданд. Ҳар як иштирокчии даста, ки мақоми аввалро касб карданд, аз ҷониби ширкати Tсеll бо гаджет, трафики интернет ва дигар туҳфаҳо сарфароз гаштанд. Ин ҷавоиз барои онҳо ҷиҳати омӯзиши бештар ва аз худ кардани забон коромад аст.

Дар маросими эътои ҷоизаву тӯҳфаҳо ба ғайр аз намояндагони ширкати Tcell ва муштариёни корпоративӣ, инчунин Ҷеф Райденауер, роҳбари бахши иттиллоти Сафорати ИМА дар ҶТ иштирок доштанд.

Зимнан, масъулини Tcell ба иштирокчиён дар бораи сабки нави ширкат (тамғаи молӣ, бренд) нақл карда, барномаи ояндаи корхонаро барои чанд соли оянда, тақвияти бозори мухобиротии кишвар, рушди технологияро дар ҳаёти муосир шарҳ доданд.

Дар навбаи худ, иштирокчиён таасуроти худро аз баргузории сабқат баён дошта, умедворӣ карданд, ки дар оянда низ барои дар сатҳи хубу олӣ гузаронидани чунин мубоҳисаҳо ширкати Tcell ба онҳо кӯмак хоҳад кард.

Барои Tcell баргузор намудан ва пуштибонии тарҳҳои омӯзишӣ, мисоли «Tcell Debate Time» барои ҷавонон аз аҳамияти вижа бархӯрдор буда, ҷои муҳимеро дар татбиқи масъулияти иҷтимоии ширкат ишғол менамояд.

Бояд гуфт, «Tcell Debate Time» шароит ба вуҷуд овард, ки кулли муштариёни корпоративии ширкат, ки дар бахши омӯзишу парвариш фаъолият менамоянд, гирдиҳам биоянд.

Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.

1.jpg

2.jpg

3.JPG

26 Июн. 2019
Тақдими тӯҳфаҳо ба ғолибони даври аввали иқдоми «Пардохти муваффақ» аз Тсеll


Дар Душанбе ва Хуҷанд маросими эътои ҷавоиз ба барандагони аксияи бебохти “Пардохти муваффақ” аз ширкатҳои Tcell ва Hyundai баргузор шуд. Сарвари кулли ширкати Tcell Озодхон Давлатшоев ғолибони иқдомро дар Душанбе бо ҷоизаҳо сарфароз гардонд. Дар Хуҷанд бошад, аснои баргузории намоишгоҳи байналмилалии “Суғд-2019”, ки Tcell шарики асосии ҳамоиш буд, эътои ҳадяҳо ҷараён гирифт.

Марҳилаи аввали аксия аз 1 май то 15 июн идома кард. Дар марҳилаи аввали аксияи “Пардохти муваффақ” аз Тсеll 10 барандаи ҷоизаҳо тавассути қуръапартоӣ муайян шуданд. Ҳамаи муштариёни ширкати Tcell аз саросари Тоҷикистон, ки ба тавозуни телефони мобилиашон аз 10 сомонӣ бештар маблағ гузарониданд, ба таври худкор (автоматӣ) иштирокчии иқдом гардиданд. Дар ин давр иштирокчиён 5 телефони ҳушманд (смартфон)-и  Samsung A30, 3 Smart TV Samsung, 1 MacBook ва 1 мошини сабукрави Hyundai Accent-ро бурд карданд!

Ҳамин тавр, Искандар Исоев- сокини ноҳияи Восеъи вилояти Хатлон тариқи қуръапартоии рақамҳои тартибӣ нахустин барандаи шоҳҷоиза, яъне нақлиёти сабукрав гардид. Ӯ аз рӯи ихтисос байтор (духтури ҳайвонот) буда, хатмкардаи Донишгоҳи кишоварзӣ аст. Ба қавлаш дар зодгоҳ ба кишоварзӣ шуғл меварзад. Искандар ҳамагӣ 11 ID-рақам дошт, ки дар бозӣ иштирок карданд. Ӯ то охир бовар намекард, ки барандаи шоҳҷоиза мегардад. Бахт ба рӯяш хандиду ҳоло соҳиби мошини гаронарзиши “Hyundai” шуд. 

«Ман фикр намекардам, ки як чунин имконият ҳаст, охир ман ҳамагӣ 11 ID-рақам доштам. Вақте аз ширкат ба ман занг зада гуфтанд, ки шумо ғолиби иқдом шудеду мошин бурд кардед, ҳатто бовар накардам. Ҳоло калиди мошин дар дастам аст ва худро воқеан хушбахт эҳсос менамоям! Ташаккур ба Tcell барои як чунин иқдомҳо!», мегӯяд Искандар Исоев.

Рӯйхати пурраи ID-рақамҳое, ки ҷоизаҳоро буридаанд дар ин нишонӣ мавҷуд аст: https://www.tcell.tj/content/news/successful-payment/

Пас аз анҷоми даври аввали аксияи «Пардохти муваффақ» марҳилаи дуюми иқдом (аз 15 июн то 29 июл) оғоз гардид. Иқдоми «Пардохти муваффақ»  бебохт аст, зеро муштарие, ки дар он иштирок мекунад, ҳеч гуна маблағи иловагӣ сарф наменамояд, барои иштирокчӣ шудан танҳо кофӣ аст, ки муштарӣ ба тавозуни телефони мобилиаш аз 10 сомонӣ бештар маблағ гузаронад. Маблағи муштарӣ дар тавозуни ӯ боқӣ мемонад, аз он комиссия ҳисобида намешавад ва муштарӣ онро барои интернет ва ё пайвастшавӣ ба дигар хизматрасониҳо сарф карда метавонад.

Барои ҳар як 10 сомонӣ ба муштарӣ SMS-паёмак бо ID-рақами инфиродӣ ирсол мегардад ва баъдан ин рақамҳо дар бурди ҷоизаҳо иштирок менамоянд. Таври мисол, агар Шумо ба тавозунатон 50 сомонӣ гузаронед, соҳиби 5 ID-рақам хоҳед шуд.

Тавозуни худро ба 10 сомонӣ пур карда, иштирокчии иқдом шавед! Ҷоизаҳо ва шоҳҷоиза дар даври дуввум ва марҳилаи сеюм Шуморо интизоранд!

Тафсилоти бештар дар бораи шартҳои иштирок дар иқдоми “Пардохти муваффақ” аз Tcell дар пайванди зер:

https://www.tcell.tj/content/news/conditions-of-the-promotion-successful-payment/

Tcell -- бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.


1.JPG


3.JPG


5.JPG

2.JPG

4.JPG
24 Июн. 2019
Tcell – шарики расмии Намоишгоҳи байналмилалии “Суғд-2019”!


Ширкати Tcell ҳамчун шарики асосии телекомуникатсионии Намоишгоҳи байналмилалии  “Суғд-2019”

Дар маркази маъмурии шимоли Тоҷикистон Намоишгоҳи шашуми байналмилалии тиҷории “Суғд-2019” баргузор гардид. Ба ғайр аз корхонаҳои истеҳсолии ватанӣ дар ин ярмарка муассисаҳои тавлидотии кишварҳои Ӯзбекистон, Қазоқистон, Беларус, Қирғизистон, ИМА ва дигар мамолик молу колову дастовардҳои тиҷоратиашонро  ба намоиш гузоштанд. Тайи рӯзҳои баргузории форуми “Суғд-2019” ҳудуди 45 созишномаву тавофуқоти ҳамкорӣ, аз ҷумла миёни Тоҷикистону Чин, ҶТ ва Ӯзбекистон ва ҳамкорон аз Беларусу Русия ва Туркманистону Афғонистон ба тасвиб расид.

Бояд тазаккур дод, ки намоишгоҳи мазкур рӯйдоди бузург дар ҳаёти соҳибкории Тоҷикистон маҳсуб ёфта, майдони муаррифии дастовардҳои корхонаву муассисаҳост. Зимни ин намоишгоҳ ҳамасола даҳҳо шабакаи ҳамкорону шарикон тавсеа ёфта, шартномаҳои ҳамкорӣ ба имзо мерасанд. 

Тибқи анъана, ширкати Tcell ҳамчун шарики аслии намоишгоҳ дар ҳама чорабиниҳои форумиштирок намуда, имконот ва зарфиятҳои ширкатро барои ироаи алоқаи боэътимоду пешниҳоди хизматрасониҳо муаррифӣ кард. Дар нуқтаи вижа (павилон) иштирокчиён ва меҳмонони намоишгоҳ имконият доштанд, ки ба сурати зуду фаврӣ SIM-корт бигиранд, тавозуни мобилиашонро пур кунанд ва аз WiFi-и баландсуръати ширкати мобилии Тсеll истифода намоянд. Ҳамаи меҳмонони намоишгоҳ барои анҷоми умури тиҷорат ва гуфтушунидҳои соҳибкорӣ бо алоқаи босифати Tcell таъмин гардида буданд.

Пас аз анҷоми қисмати расмии намоишгоҳ, ширкати  Tcell миёни иштирокчиён ва муштариёни корпоративӣ бозии бурднокро бо туҳфаҳои арзишманд доир кард.   Намояндагони Tcell бошанд, дар ин бахш ба ғолибони иқдомҳои “Пардохти муваффақ” ва “Ҷомадони бунафш” аз вилояти Суғд бурдҳояшонро тақдим намуданд. 

Ҳамчунин, барои иштиркчиён ва меҳмонони намоишгоҳ муаррифии сабки нави молӣ (бренд) ва фаъолияти ояндаи ширкати Тсеll муаррифӣ гардида, тарзи истифодаи ҳамёни мобилии ТезСум, ки тарҳи муштараки ширкат ва Аввалин бонки молиявии хурд мебошад, намоиш дода шуд. Зимнан, меҳмонону иштирокчиёни форуми тиҷорӣ имконияти бо таҷҳизотҳои муосири технологии шарики Tcell –  «Rabex» ошно гаштанро доштанд. 

Ширкати мухобиротии Tcell, ки яке аз бахшҳои Фонди Оғохон оид ба рушди иқтисодӣ   (AKFED) мебошад, фаъолияташ ростхатта ба бунёди корхонаҳои устувори иқтисодӣ ва қадршиносии соҳибкорон нигаронида шудааст. Дар ҳошияи умури иҷтимоии худ, Tcell ба гунаи фаъол аз соҳибкорон ва соҳибкорӣ дар кишвар пуштибонӣ карда, саҳми худро дар рушди иқтисод мегузорад. 

Tcell - бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.

1.jpg

2.jpg

3.jpg

4.jpg

5.jpg
20 Июн. 2019
«Ҳафтаи бизнес барои бонувон» дар Кӯлоб бо дастгирии Tcell!


Аз 17 то 21 июни соли равон дар шаҳри Кӯлоб “Ҳафтаи бизнес барои бонувон”, ки бо ибтикори American Space Kulob ва пуштибонии ширкати мухобиротии Tcell сурат мегирад, доир хоҳад шуд. Тӯли як ҳафта беш аз 20 зани маҳаллӣ аз Кӯлоб асосҳои тиҷорат, ояндабинӣ (банақшагирӣ), рушд ва пешбурди бизнеси инфиродиро дар ин ҳамоиш меомӯзанд.

Ширкати телекомуникатсионии Tcell, яке аз бахшҳои Бунёди Оғохон оид ба рушди иқтисодӣ (AKFED) буда, ҳамчун анъана чорабиниҳои марбути рушди соҳаи соҳибкорӣ, тиҷорат ва иқтисодиёти кишварро дастгирӣ менамояд. Барои Tcell дар ин росто ҳадафи асосӣ- муттаҳидсозии одамон ва аъзои ҷомеъа буда, бо ин васила саҳмгузорӣ дар рушди иқтисодиёт маҳсуб мегардад

Дар «Ҳафтаи бизнес барои занон» дар Кӯлоб бештар аз 20 бонуи минтақа ширкат хоҳанд кард: миёни онҳо соҳибхоназанон, намояндагони тиҷорати хурду миёна ва донишҷӯён низ ҳастанд. Тайи як ҳафта иштирокдорони нишаст дарси асосҳои соҳибкориро аз Мактаби тиҷоратии “55 Group” гирифта, донишҳои худро дар ин ҷода тақвият медиҳанд.   Мавзӯоти аслии омӯзишӣ дар курс- тарҳрезӣ, роҳандозӣ ва банақшагирии тиҷорат буда, тарзи тарғиби молу коло дар шабакаҳои иҷтимоӣ тавассути диҷитол ва василаҳои ҷадиди онлайниро дар бар мегирад. 

Баъди ба анҷом расидани “Ҳафтаи бизнес барои бонувон” дар Кӯлоб иштирокчиён метавонанд нақшаи тиҷорату соҳибкории худро таҳия карда, тарзи татбиқи онро тавассути абзорҳои мушаххас нишон диҳанд.  

Мавқеъи занон дар ҷомеъа сол аз сол бештар гардида, аҳамияти зиёдро ба худ касб мекунад: бонувон бештар тарзи ҳаёти солимро пеша карда, дар ҳаёти иқтисодӣ, иҷтимоӣ ва сиёсии кишвар саҳми боризи худро мегузоранд. Онҳо бо ин роҳ ба пешрафти кишвар дар ҳама бахшҳо ёрии худро дареғ намедоранд.

Tcell – ширкати масъулияти иҷтимоидошта аст ва бар пояи роҳбурди корӣ (стратегия)-и худ имкониятҳои навро барои бонувон муҳайё сохта, барои тақвияти нақши онҳо дар ҷомеъа мусоидат менамояд. 

Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.

1.jpg

2.jpg

3.jpg

4.jpg
20 Июн. 2019
Аввалин барандагони ҷоизаи вижаи «Ҷомадонҳои бунафшӣ» аз Tcell маълум шуданд!


5 ҷомадони зебои бунафшранг аллакай ба соҳибонашон супурда мешаванд, ки онҳо тавассути генератори ададҳои тасодуфӣ муайян гардиданд https://bit.ly/2L565u3! Бурди ҷоиза- ҷомадонҳои бунфшранг ҳар моҳ миёни онҳое, ки аз роуминги “Воқеӣ” ва “Осон” ба маблағи беш аз 100 сомонӣ истифода мекунанд, доир мегардад.

Дар охири сол бошад, ғолибонро боз як сюрприз- имконияти бурди роҳхати туристӣ ба яке аз самтҳои беҳтарин ҷаҳонгардӣ дар дунё интизор аст!  

Муфассал дар бораи роуминги «Воқеӣ ва Осон»: https://bit.ly/31MptSz
20 Июн. 2019
Тарифи нави интернет дар роуминг.

Муштарии муҳтарам! Ба маълумоти Шумо мерасонем, ки аз 1-ми июли соли 2019 тарифи нави интернет дар роуминг (интиқоли маълумот) дар Қазокистон, Қирғизистон, Чин ва Афғонистон 2 сомонӣ барои 1 мегабайт ҷорӣ карда мешавад.
19 Июн. 2019
Ғолибони марҳилаи аввали иқдоми “Пардохти муваффақ” аз Tcell муайян шуданд!


Даври аввали иқдоми бузургмиқёси бебохти “Пардохти муваффақ” аз Tcell ва Hyundai ба охир расид! Дар ин марҳила 10 барандаи тӯҳфаҳо муайян шуданд, ки “пардохти муваффақ” –ро анҷом додаанд. Онҳо 5 телефони ҳушманди Samsung A30, 3 Smart TV Samsung, MacBook ва сабукрави тамғаи Hyundai Accent-ро бурд карданд!

Марҳилаи аввали аксия аз 1 май то 14 июн идома ёфт. Ҳамаи муштариёни ширкати Tcell аз саросари Тоҷикистон, ки ба тавозуни телефони мобилиашон аз 10 сомонӣ бештар маблағ гузарониданд, ба таври худкор (автоматӣ) иштирокчии иқдом гардиданд.   Қуръакашӣ барои муайян кардани барандагони иқдом дар дафтари марказии Tcell дар шаҳри Душанбе ва бо ҳузури муштариёну тамошобинон, намояндагони ширкату хабарнигорон сурат гирифта, тавассути барномаи мустақими радиои “Ватан” пахш гардид. 

10 ғолиби даври аввали иқдом тариқи қуръакашӣ дар таҷҳизоти автоматӣ, ки бо системаи омехта, тубчаи рақамгузоштаро (ва он дар маҷмӯъ ID-рақами муштариро ташкил дод) пешниҳод мекунад, муайян карда шуд. Ҷуғрофиёи барандагони тӯҳфаҳо хеле бузург аст: онҳо муштариёни Душанбе, Спитамен, Хуҷанд, Шаҳритус, Панҷакент ва Ҷайҳун мебошанд. Ҷоизаи асосӣ- автомобили Hyundai Accent насиби муштарӣ аз ноҳияи Восеъ гардид!
Рӯйхати пурраи ғолибон, ки ID-рақамашон бурд кардааст, дар сомонаи расмии ширкат: https://www.tcell.tj/content/news/successful-payment/ мавҷуд аст.

Дар зудтарин фурсат намояндагони Tcell ба ғолибон тамос гирифта, онҳоро ба маросими эҳдои тӯҳфаҳои иқдоми “Пардохти муваффақ” даъват менамоянд ва мо имкони дидани чеҳраи барандагонро пайдо хоҳем кард! 

Пас аз ба анҷом расидани марҳилаи аввали иқдоми “Пардохти муваффақ” даври дуюми аксия оғоз гардида, он то 29 июл идома меёбад. Бурди ҷоизаҳо рӯзи 30 июл сурат мегирад. Дар ин марҳила низ иштирокчиёни аксия имкони бурди 5 смартфони Samsung A30, 3 Smart TV Samsung, MacBook ва аз ҳама асосӣ мошини Hyundai Accent-ро доранд. Даври ниҳоӣ бошад аз 30 июл то 10 сентябр ҷараён гирифта, теъдоди ҷоизаҳо афзоиш меёбад: дар марҳилаи охир 10 телефони ҳушманди Samsung A30, 4 Smart TV Samsung, 3 MacBook ва автомобилӣ Hyundai Accent ба бозӣ гузошта мешавад.

Барои иштирокчии аксия шудан фақат зарур аст, ки ба тавозуни телефонатон 10 сомонӣ ва ё бештар аз он маблағ гузаронед. Барои ҳар як 10 сомонӣ ба муштарӣ SMS-паёмак бо ID-рақами инфиродӣ ирсол мегардад ва баъдан ин рақамҳо дар бурди ҷоизаҳо иштирок менамоянд. Таври мисол, агар Шумо ба тавозунатон 50 сомонӣ гузаронед, соҳиби 5 ID-рақам хоҳед шуд.

Иқдоми «Пардохти муваффақ» - бебохт аст, зеро муштарие, ки дар он иштирок мекунад, ҳеч гуна маблағи иловагӣ сарф наменамояд. Маблағи муштарӣ дар тавозуни ӯ боқӣ мемонад, аз он комиссия ҳисобида намешавад ва муштарӣ онро барои интернет ва ё пайвастшавӣ ба дигар хизматрасониҳо сарф карда метавонад.

Тавозуни худро ба 10 сомонӣ пурра карда, соҳиби ID-рақами инфиродӣ ва иштирокчии аксия шавед! Шояд ҳамин пардохти Шумо муваффақ мешавад!

Муфассал дар бораи шартҳои баргузории иқдоми “Пардохти муваффақ” дар сомонаи расмии ширкат:
 https://www.tcell.tj/content/news/conditions-of-the-promotion-successful-payment/

Tcell - бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.

1.JPG

2.JPG

3.JPG

4.JPG
13 Июн. 2019
Муштарии мухтарам! Ба маълумоти Шумо мерасонем, ки аз 25.06.2019 ба тарофаи Интернет тағйирот ворид мегардад.
Ҳамаи зангҳои воридоти ва СМС-ҳои содиротӣ баста мешаванд.
Агар Шумо истифода барандаи баронами «ЧиГап» бошед, тарофаи Шумо ба тарофаи «Аввалин 2016» иваз карда мешавад.
Маълумоти бештар оиди тарофаи  «Аввалин 2016» дар сомонаи  https://www.tcell.tj/tj/rates/tarofahoi-arhivi/tarofai-avvalin-2016.php.