Хабарҳо

Tcell шабакаи марказҳои хизматрасониро дар Хатлон афзоиш медиҳад


Дар вилояти Хатлон боз ду маркази хизматрасонии муштариёни Tcell дари худро ба рӯи сокинон боз кард. Барои ҳар як муштарӣ иртиботи қавӣ ва боэътимод бо ширкат зарур аст, маҳз ана ҳамин аз маркази хизматрасонӣ оғоз меёбад. Идораҳои нав ва муҷаҳҳаз бо таҷҳизоти муосир дар ноҳияҳои Ҳамадонию Фархор ифтитоҳ гардида, муштариёнро аллакай қабул намуданд.

Марказҳои хизматрасонии ширкати Tcell дар маркази ноҳияҳои Фархор ва Ҳамадонӣ ҷойгир шудаанд. Ҳамин тавр, гирифтани машварати мутахассисон, пайваст шудан бо тарофаи дилхоҳи интернет ва соири дигар хизматрасониҳо барои муштариён қулайтару осонтар шуд. Вобаста ба ҷои ҷойгиршавии марказҳои хизматрасонӣ онҳо барои муштариён манфиатоваранд.

Дар марказҳои хизматрасонии Tcell операторони соҳибтаҷриба, ки давраи бозомӯзиро пушти сар намудаанд, фаъолияти муассир доранд. Муштариён дар ин ҷо ҳама гуна машварату хизматрасонӣ: пур кардани тавозуни телефон, пайваст шудан бо интернет, харидани симкорт, насби замимаву барномаҳоро аз қабили Чӣ Гап анҷом дода метавонад.

Марказҳои эксклюзивӣ ва ҷадиди ширкати Tcell-ро дар вилояти Хатлон бо суроғаҳои зерин пайдо кардан мумкин аст:

  • Ноҳияи Ҳамадонӣ, кӯчаи Саъдии Шерозӣ
  • Ноҳияи Фархор, кӯчаи Ҳофизи Шерозӣ

Мутобиқи стратегияи рушди Tcell талаботи ҳар як муштарӣ дар авлавият қарор дорад. Маҳз аз ин зовия, ширкати Tcell мунтазам шабакаҳои хизматрасониашро тавсеа бахшида, дар ҳоли ҳозир дар ҳама шаҳру навоҳии бузурги кишвар марказҳои замонавӣ дари худро боз кардаанд. Аз дидори якояки Шумо дар марказҳои хизматрасониамон шодем! 

Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.

IMG_20190216_141839.jpg

IMG_20190216_142606.jpg
1439

Интернети Бемаҳдуд ва Ҳақиқӣ аз Tcell – дар телефонҳои ҳушманди шумо!

Ширкати Tcell дар бораи роҳандозии опсияи нав- “Интернети Бемаҳдуд” эълон менамояд. Ҳамакнун, муштариёни тарофаҳои нақшавии  Даркор 99, 159 ва 199 метавонанд аз ҳамаи имкониятҳои “Интернети Бемаҳдуд” бемаҳдудият истифода баранд! Опсия трафики бемаҳдудеро ҳангоми ҷустуҷӯи иттилои даркорӣ, таҳсилу кор  ва албатта аснои муоширати беохир бароятон пешниҳод месозад!

Барои ширкати  Tcell дар авлавияти фаъолият- ниёзу хоҳишҳои муштариёнаш қарор дорад. Яке аз дархостҳои асосӣ ва талаботи муштариён дар нисбати оператор роҳандозии интернети мобилии бемаҳдуд (бе трафик) мебошад. Вобаста ба майлу хоҳиши муштариён, ширкати Tcell опсияи нав- “Интернети Бемаҳдуд”-ро  роҳандозӣ кард.

Опсия барои истифодабарандагони тарофаҳои Даркор 99, 159 ва 199 дастрас аст. «Интернети Бемаҳдуд»-ро тавассути фармони *290*8# пайваст кардан мумкин аст. Пас аз тамомшавии бастаи асосии трафик, муштариён имкони яти истифода аз Интернети баландсифат бо суръати 256 кб/с-ро доранд!

Бо опсияи «Интернети Бемаҳдуд» шуморо зарур намеояд, ки бақияи трафикатонро санҷед ва ё онро доимо таҳти назорат дошта бошед. Трафики бемаҳдуд ба шумо имкон медиҳад, ки 24 соат дар шабонарӯз (ба таври доимӣ) дар иртибот бошед ва аз ҳамаи зарфиятҳои шабакаи ҷаҳонии Интернет истифода баред.

Арзиши пайвастшавӣ- 20 сомонӣ аст. Опсияро ҳангоми фаъол будани тарофаҳои нақшавии Даркор 99, 159 ва 199 пайваст кардан мумкин аст.

Маълумоти муфассалро дар мавриди “Интернети Бемаҳдуд”, мутобиқати он бо тарофаҳои истифодабаранда ва опсияҳои муштарӣ бо воситаи тамос ба рақами кӯтоҳи 290, ё аз сомонаи расмии ширкат: www.tcell.tj дарёфт карда метавонед.    

Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.

Darkor.png

1635

Бо Tcell дар IT Мактаби Бозаргонӣ ширкат намуда ғолиб шавед ва сармоя бигиред!

Tcell ҳамчун ширкати телекомуникатсионӣ дар баргузории нахустин ҳамоиши омодасозии бонувони тоҷир (бизнес-инкубатор) шарик шуда, ин чорабиниро дастгирӣ менамояд. BITS (Business IT School) – ин IT Мактаби Бозаргонӣ буда, иштирокчиён аз беҳтарин мураббиён дарси маҳорат мегиранд, тарҳҳои тиҷории худро пешниҳод менамоянд ва беҳтарини онҳо имкони дарёфти маблағгузориро ба лоиҳаҳои аввалияашон дарёфт менамоянд.

Қабули дархостҳо барои ширкат дар Мактаби BITS то 8 март идома хоҳад ёфт. Муаллифони 20 тарҳи беҳтарин барои таълим дар Мактаб пазируфта мешаванд. Шитобед, то дер намонед! Қабули дархостҳо бо нишонии: https://bit.ly/2IDHr49 давом дорад.

Ҳадафи асосии IT Мактаб (BITS) – баланд бардоштани зарфияти бонувону духтарон дар рушди соҳибкорӣ аст. Барнома-ҳамоиши  таълимӣ дар Мактаб 10 рӯзро фаро гирифта, тайи ин муддат иштирокчиён аз дарсҳои беҳтарин мураббиёну мушовирон баҳравар мегарданд, ҳамзамон питчинг (муаррифии тарҳу андешаҳо)-и онҳо сурат мепазирад. Дар Мактаб устодоне амсоли Шералӣ Ҷӯрабоев, Баҳриддин Наҷмудинов, Заррина Бобоева, Фаррух Султонов, Фирӯза Мирзоева, Мирзоиброҳим Умаров, Эзел Агаоғлу ба иштирокчиён дарс хоҳанд гуфт. Зимнан, Кети Пиртсхалава, директори бахши маркетинг ва коммуникатсияи Tcell низ дар ҳамоиш ширкат карда, аз таҷрибааш дар ин росто нақл мекунад.

Муаррифии ниҳоӣ дар назди 10 сармоягузор (сарпараст) имконияти дарёфти сармояро барои татбиқи лоиҳаи Шумо фароҳам меорад!   

Меъёри интихоби дархост барои ширкат дар ҳамоиш:

1.      Лоиҳа бояд мундариҷаи навоварона, роҳҳали муосири технологӣ ва IT-ро доро бошад.
2.      Ба тарҳҳое, ки аз ҷониби духтарону бонувон ирсол мегарданд, афзалият дода мешавад (иштироки мардон низ маҳдуд намегардад, натиҷа аз сатҳу сифати дархостҳо вобаста аст).
3.      Лоиҳаҳое, ки муҳтавояшон Smart house, Smart City, Smart Environment (Хонаи ҳушманд, Шаҳри ҳушманд ва Муҳити ҳушманд) мебошанд, бартарият доранд.

Мавзӯи нахустин Мактаби BITS дар Тоҷикистон – «Smart City – Smart Environment» («Шаҳри ҳушманд – Муҳити ҳушманд) мебошад. 

«Шаҳри ҳушманд» - Ин консепсияи ҳамгироии технологияҳои иттилоотӣ ва коммуникатсионӣ (ТИК) ва Интернет-ашёҳо (роҳҳалҳои IoT) барои идоракунии моликияти шаҳр мебошад. Мақсади бунёд (ташаккул)-и  "Шаҳри ҳушманд" ин содда кардани идоракунии равандҳои дохилии шаҳр ва баланд бардоштани сатҳу сифати зиндагӣ тавассути технология мебошад. "Шаҳри ҳушманд" бояд дастрасӣ ба муҳити тоза, амнияти комили шаҳрвандон, имкони истифода аз манобеи энергетикиро фароҳам оварда, ҳаёти осоиштаву ҳамарӯзаи сокинонро таъмин намояд.   

«Дар ҳоли ҳозир, рушди ҷомеа бевосита бо роҳҳалҳои технологияи инноватсионӣ вобаста мебошад. Фанновариҳои ҷадид, ба монанди M2M, Интернет-ашёҳо (ёдрасӣ: Интернет-ашёҳо - эҷоди шабакаи объектҳои физикӣ ("предметҳо"), ки бо технологияи муҷаҳҳаз бо якдигар ё бо муҳити беруна) ба осонӣ, ё ба таври худкор бисёр равандҳо ва суръати баланди Интернет дар ин технологияҳо сифати истеҳсолотро баланд мебардоранд. Tcell ҳамчун ширкати технологӣ ҳамеша тарҳҳоеро, ки метавонанд ба рушди соҳибкории технологӣ таъсири мусбат расонида, зиндагии мардуми оддиро беҳтар созанд, дастгирӣ менамояд»,- мегӯяд Директори генералии ширкати Tcell Озодхон Давлатшоев.

Лоиҳа бо кӯмаки ширкатҳои Tcell, ҶММ «Сифат Иннотех Инвест», Сафорати ИМА дар ҶТ, “Гӯшаҳои амрикоӣ дар Душанбе”, БРСМ, СҒҲ "Маркази рушди сайёҳӣ", Coca Cola, SITI ва ENT амалӣ мешавад.

Tcell –  бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.

banner_BITS.png
1486

Шоу-намоиши технологӣ «T-tech 2019»


«T-tech 2019»



Технологияҳои иттилоотӣ ба зиндагии мо ҷиддан ворид гардида, онро боз ҳам шавқовару рангинтар кардаанд! Агар мехоҳед бо фанновариҳои муосир робита дошта бошед, пас ба ин ҷо биёед- намоишгоҳи Ти Тек, ки ширкати Тсеll муштаракан бо маркази савдои “Душанбе Мол” Ашан Сити созмон додааст. Дар ин ҷо, шумо бо замима (барнома)-ҳои нави мобилӣ, навгониҳои технологӣ ва роҳҳалҳои пешрафта дар бахши электроника маълумот пайдо мекунед. Шиносоии шумо бо ҷаҳони технологӣ бо ин ҳама анҷом намеёбад, ҳамчунин дар намоишгоҳ шуморо ҳунарнамоии ситораҳои эстрад ва ғизои болаззат интизор аст. Шоу-барномаи Ти Тек рӯзҳои 23 ва 24-уми март дар таваққуфгоҳи бози маркази савдои “Душанбе Мол” баргузор мешавад! Биёед, аз назари технологӣ хеле ҷолиб хоҳад буд! 

Tteck_site_TJ-01[1].jpeg


1551

Tcell ва Лигаи футболи Тоҷикистон қуръакашии тақвими қаҳрамонии Тоҷикистон-2019 –ро баргузор намуданд.


28 феврал дар меҳмонхонаи «Hyatt Regency Dushanbe» қуръакашии бозиҳои тақвимӣ миёни дастаҳои лигаи футболи Тоҷикистон барои мавсими соли 2019 сурат пазируфт. Маврид ба ёдоварист, имсол яке аз бузургтарин ширкатҳои мухобиротии кишвар-    Tcell сарпарастии аслии Лигаи футболи Тоҷикистонро ба зимма дорад.


Дастгирии як чунин тарҳҳои варзишӣ ва ҷавонон барои ширкати Tcell аз аҳамияти муҳим бархӯрдор аст, маҳз ҳангоми наврасӣ ва ҷавонӣ миёни ҷавонон бояд тарзи ҳаёти солим ва рушди ояндаи онҳо ташвиқу тарғиб гардад. Бо дастгирии чунин лоиҳаҳо, Tcell саҳми худро дар солимии миллат ба гунаи зарурӣ мегузорад.

Яке аз бузургтарин чорабиниҳои варзишии соли 2019 баргузории қаҳрамонии футболи ҶТ бо дастгирии ширкати Tcell маҳсуб меёбад. Бозиҳои аввалини чемпионати Тоҷикистон оид ба футбол рӯзҳои 6-7 апрел доир хоҳад шуд.

Дар мавсими нав дар мусобиқоти лигаи олӣ, ки имсол барои бори 28-ум доир мегардад,   ҳашт даста ширкат меварзад. Инҳо дастаҳои «Истиқлол» (Душанбе), «Хуҷанд» (Хуҷанд), «Кӯктош» (Рӯдакӣ), «Регар-ТадАЗ» (Турсунзода), «Хатлон» (Бохтар), ССКА «Помир» (Душанбе), «Панҷшер» (Ҷалолиддини Балхӣ), инчунин «Истаравшан» (Истаравшан) мебошад. Мусобиқоти мамлакат дар се давр бургузор гардида, ҳар як даста 21 вохӯрӣ мегузаронад.

Маросими қуръакашӣ дар фазои идона ва бо иштироки меҳмонони зиёд баргузор шуд. Церемония жеребьевки прошла в праздничной атмосфере с участием многочисленных гостей. Бо тафовут аз солҳои дигар, имсол ба қуръакашӣ бозигарони дар гузашта маъруфи дастаи миллии кишвар оид ба футбол – Сӯҳроб Ҳамидов, Тоҳирҷон Мӯъминов, Шӯҳрат Ҷабборов ва Баҳодур Сӯфиев даъват шуда буданд.

Нахуст қуръакашии ду давр ва баъдан қуръапрартоии даври ҳалкунанда доир гардида, рақибон маълум шуданд. 

Аснои қуръакашии ду даври аввал, бозигарони собиқи дастаи миллии футбол- Сӯҳроб Ҳомидов ва Тоҳирҷон Мӯъминов барои муайян кардани рақамҳои тартибии дастаҳои рақобаткунанда қуръаҳоро берун карданд.  Мутобиқи қуръакашӣ, дар рӯзҳои 6-7 апрели дар даври аввали чемпионат дастаҳои зерин бо ҳам рақобат менамоянд: 

  • «Регар-ТадАЗ» – «Истиқлол»
  • «Кӯктош» – ССКА «Помир»
  • «Панҷшер» – «Истаравшан»
  • «Хуҷанд» – «Хатлон»

Баъд аз анҷоми қуръакашии тақвимӣ, ду собиқадори футболи Тоҷикистон- Шӯхрат Ҷабборов ва Баҳодур Сӯфиев барои муайян кардани нахустин бозиҳои даври ниҳоӣ (сеюм)-и мусобиқот даъват шуданд. Ҳамин тавр, дар марҳилаи сеюм (ҳалкунанда)-и қаҳрамонии футбол бозиҳои аввалин миёни дастаҳои:  

  • «Истиқлол» – «Хатлон»
  • «Истаравшан» – ССКА «Помир»
  • «Кӯктош» – «Хуҷанд»
  • «Регар-ТадАЗ» – «Панҷшер»

Мувофиқи низомнома, дастае, ки мақоми охиринро дар ҷадвали қаҳрамонии футбол касб менамояд, лигаи олиро тарк мекунад. Инчунин, дастае, ки дар поёни мавсим ҷойи ҳафтумро дар лигаи олии футбол ишғол менамояд, бо ҷоизадори нуқрагии лигаи аввал сабқат барои боқӣ мондан дар лигаро анҷом медиҳанд. 

Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.


1.JPG

2.JPG

3.JPG

4.JPG
1469

Tcell ба донишҷӯёни ДДҲБСТ дастрасии озод ба манобеъи омӯзиширо тақдим кард


Ширкати Tcell дар чорабинии «Рӯзи дарҳои боз» дар Донишгоҳи давлатии бизнес, ҳуқуқ ва сиёсати Тоҷикистон ширкат кард. Tcell довталабонеро, ки аснои супоридани тестҳои санҷишии пешакӣ натиҷаи беҳтар нишон доданд, табрик намуда, ҳамчунин ҳадяашро барои донишҷӯёни донишгоҳ эълон дошт. Аз моҳи марти соли 2019 барои ҳамаи донишҷӯён дастрасӣ ба портали дохилии таълимӣ комилан ройгон хоҳад буд! 

Дастгирии бахши маориф (омӯзиш ва парвариш) – яке аз ҳадафҳои стратегии ширкати Тcell маҳсуб мегардад. Tcell маъракаҳои марбут ба омӯзишро зиёд баргузор намуда, ҳамчунин чорабинӣ ва тарҳҳои маорифу парваришро дастгирӣ менамояд. Маросими имрӯза дар ДДҲБСТ низ аз ҳамин раванд аст. Tcell кӯшиш ба харҷ медиҳад, ки саводу донишҳои Интернетиро миёни насли наврасу ҷавонон баланд бардорад, тарзи дурусти истифода аз ин шабакаи ҷаҳонӣ, имкониятҳои рушду худшиносиро бо воситаи зарфиятҳои ҷадиди технологӣ боло бардорад.

Портал (сайт)-и Донишгоҳи давлатии  бизнес, ҳуқуқ ва сиёсати Тоҷикистон дорои манбаи дохилӣ аст, ки ҳар як донишҷӯ тавассути логин имкони ворид шуданро дорад. Дар сомона (портал) донишҷӯён ба иттилои муҳим аз ҳаёти донишгоҳ: мақолаву интишороти илмӣ, ҷадвали машғулиятҳо, рейтинги донишҷӯён, рӯзномаи пешрафт ва навгониҳои ин мактаби олӣ шинос мешаванд. Ҳамчунин, дар ин ҷо бо тестҳо барои омодагӣ ба имтиҳону санҷишҳо ошноӣ пайдо кардан ва истифода аз почтаи электронии шахсӣ мумкин аст. 

Моҳи марти соли равон Tcell барои донишҷӯёне, ки муштарии ширкат мебошанд, дастрасии ройгонро ба ин портали таълимӣ-омӯзишӣ ба роҳ мемонад. Ҳамин тавр, манобеъи таълимӣ-омӯзишӣ боз ҳам дастрастар гардида, имконоти донишомӯзии донишҷӯён беҳтар хоҳад шуд.     

Tcell дар бораи дастрасии ройгони портали мазкур барои донишҷӯёни  донишгоҳ дар “Рӯзи дарҳои боз”, ки ҳамасола аз ҷониби ДДҲБСТ баргузор мегардад, эълон дошт. Имсол, дар ин рӯз беш аз 800 довталаб- хатмкунандагони макотиби миёна аз шаҳру навоҳии Хуҷанд, Истиқлол, Исфара, Бӯстон, Б.Ғафуров, Спитамен, Мастчоҳ, Зафаробод, Ҷаббор Расулов, ки оянда дар ин ҷо таҳсилро идома доданианд, дидан карданд.   

Довталабон бо дастовардҳои донишҷӯён аз факултаҳои гуногуни донишгоҳ шинос гардида, ҳамчунин бо ректори донишгоҳ ва намояндагони Вазорати маориф ва илми ҶТ, раёсати маорифи вилоят мулоқот карданд. Зимнан, довталабон дар озмуни вижа, ки барои санҷиши дониши онҳо таҳия шуда буд, иштирок карда, ба суолҳои омодакардаи Маркази миллии тестии назди Президенти Ҷумҳури Тоҷикистон посух доданд. Беҳтарин довталабон- онҳое, ки вақти тестсупорӣ натиҷаи хуб нишон доданд, аз ҷониби раёсати донишгоҳ ва ширкати Tcel бо туҳфаҳо қадрдонӣ шуданд.

Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.


1.JPG

2.JPG

3.JPG

4.JPG

5.jpg

6.jpg

1474

Tcell ва ФФТ: ҳамшарикӣ барои рушди футболи тоҷик


Рӯзи ҷумъаи 22 феврал ширкати Tcell ва Федератсияи футболи Тоҷикистон созишнома дар бораи ҳамшарикиро, ки мутобиқи он яке аз бузургтарин ширкатҳои мобилии кишвар    – Tcell сарпарасти аслии Лигаи футболи Тоҷикистон гардид, ба имзо расониданд.

Созишномаро Директори генералии ширкати Tcell Озодхон Давлатшоев ва ноиби президенти Федератсияи футболи Тоҷикистон Алишер Ӯрунов имзо карданд.

Бо имзои созишномаи ҳамшарикӣ бо Федератсияи футболи Тоҷикистон, ширкати Tcell ҳамоно стратегияи дастгирии тарҳҳои ҷавонон ва варзиширо дар чорчӯби масъулияти иҷтимоиаш дар соли 2019 идома хоҳад дод. 

Ширкати Tcell сарпарасти асосии Лигаи футболи Тоҷикистон шуд. Имсол қаҳрамонии футбол миёни дастаҳои лигаи олии кишвар таҳти ҳимояти ЛФТ (Лигаи футболи Тоҷикистон) баргузор хоҳад шуд. Ҳашт тим аз шаҳру навоҳии Душанбе, Хуҷанд, Истаравшан, Турсунзода, Бохтар, Ҷалолиддини Румӣ ва Рӯдакӣ барои ба даст овардани унвони қаҳрамонӣ рақобат мекунанд. Пас аз ҷамъбасти чемпионати кишвар, дастаи ғолиб ҳаққи ширкат ва намояндагиро аз номи Тоҷикистон дар Лигаи қаҳрамонии КФО-2020 (Конфедератсияи футболи Осиё)-ро дар қораи Осиё дарёфт менамояд.

Ҳамчунин, имсол бо дастгирии ширкати Tcell мусобиқаи футболи наврасони то 14-солаи Тоҷикистон баргузор мешавад. Қаҳрамонии футбол оид ба футболи кӯчагӣ «Футбол ба назди шумо меояд» дар соли 2019 чун анъана бо ҳимояти молии ширкати Tcell доир мегардад.

Дастгирии як чунин тарҳҳои варзишӣ ва ҷавонон барои ширкати Tcell аз аҳамияти муҳим бархӯрдор аст, маҳз ҳангоми наврасӣ ва ҷавонӣ миёни ҷавонон бояд тарзи ҳаёти солим ва рушди ояндаи онҳо ташвиқу тарғиб гардад.   

«Мо ҳамчун бренди рушдёбанда дар бозори Тоҷикистон саҳми худро дар масири рушд ва пешрафти ҷомеъа гузорем. Бо дастгирӣ ва кӯмак ба тарҳҳои варзишӣ дар чунин сатҳи баланд ба одамон паёмеро мерасонем, ки ояндаи солимии миллат ва ҷомеъа маҳз аз тарзи ҳаёти солим ва рушди бонизоми ҷомеъа вобаста аст. Мо аз ҳамкории стратегӣ бо Федератсияи футболи Тоҷикистон ифтихор менамоем ва итминони комил дорем, ки дар якҷоягӣ футболи тоҷикро рушд медиҳем ва ба дараҷаи даркорӣ мерасонем”,- мегӯяд директори генералии ширкати Tcell Озодхон Давлатшоев.

Дар соли 2018 ширкати Tcell ҳамчунин лоиҳаи футболи кӯчагӣ миёни бачагонро «Tcell - Футбол ба назди шумо меояд»-ро дастгирӣ кард. Воқеан, ин сабқат хотирмон ва дар сатҳи олӣ баргузор шуд: дар ҳама гӯшаву канори Тоҷикистон чунин мусобиқа (дар ҳама шаҳру вилоятҳо) сурат гирифт. Tcell ва Федератсияи футболи Тоҷикистон ба кӯдакони аз 6 то 12-солаи Тоҷикистон дар саросари кишвар имкон фароҳам оварданд, ки дар ин сабқатҳо ширкат намоянд. Беш аз 17 000 писару духтарон 14 072 мусобиқаи футбол дар Душанбе, НТМ, вилоятҳои Суғду Хатлон ва ВМКБ баргузор карда, баъдан барои ширкат дар мусобиқаҳои дигар роҳхат гирифтанд. 

Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.

1.JPG

2.JPG

3.JPG

4.JPG

5.JPG

1476

Tcell беҳтарин велосипедронҳои Тоҷикистонро дар сабқати Ҷоми «Критериум»-и Суғд дастгирӣ кард


Федератсияи велосипедронии Тоҷикистон бо дастгирии ширкати Tcell барои аввалин бор мусобиқаи варзишӣ барои ба даст овардани Ҷоми ФВҶТ «Критериум 2019»-ро дар шаҳри Бӯстони вилояти Суғд баргузор намуданд.

Мусобиқаи варзишии «Критериум» аз иштирокчиён омодагии ҳамаҷониба ва тайёрии комилро тақозо мекард. Ҷоми ФВҶТ «Критериум» ба гунаи як чорабинии диданӣ, тамошобоб буд, ки дар ҳалқароҳи масофааш 1,76 км дар маркази шаҳри Бӯстони вилояти Суғд тавассути кӯчаҳои Гагарин, Пушкин ва Мири ин шаҳр доир гардид.

Барои Ҷоми «Критериум» беш аз 35 велосипедсавори ҳирфаӣ (касбӣ) аз шаҳри Душанбе ва вилоятҳои Суғду Хатлон дар чор даста (категория)-и синну солӣ миёни ҳам рақобат намуданд. Дар категорияи  «Ҷавонон» (17-18 сола)- Қодиров Фирдавсҷон, Бурҳонов Султонмурод, Қодиров Комрон баранда гардид, дар ҳамин намуд миёни духтарон - Фараҳнози Баҳром, Амонова Анасултон, Қурбонова Гулша ғолиб омаданд. Дар риштаи «Андераҳо» (19-22 сола) бошад, ҷойҳои  ифтихориро Юнусов Манучеҳр, Азизов Муҳаммадҷон, Абдуллоев Манучеҳр бо ҳам диданд. Дар категорияи «Элита» (аз 23-сола боло), Савостянов Далер, Раҳимов Ҷалол, Аминов Рахимҷон пирӯзӣ ба даст оварданд.

Ба барандагони сабқат ҳадяҳои арзишнок- смартфон ва зангҳои телефонӣ бо тавозун аз ширкати Tcell ҳадя намуданд. Ҳамчунин, ғолибон бо рақамҳои “зебо”-и “тиллоӣ”, “нуқрагӣ” ва “биринҷӣ” аз ширкат соҳиб гардида, ба тарофаи даркории «Даркор 59» пайваст шуданд.

Қарор аст, ғолибони ин сабқат дар мусобиқаи Қаҳрамонии Осиё-2019, ки дар кишвари ҳамсояи Ӯзбекистон баргузор мешавад, ширкат намоянд.

Мусобиқаи варзишӣ барои дарёфти Ҷоми «Критериум» аз варзишкорон омодагии ҳамаҷонибаи варзишӣ, сабру тоқат ва саломатии комилро тақозо мекунад. Ҷоми ФВҶТ «Критериум-2019» аз беҳтарин чорабинии варзишӣ дар риштаи дучархаронӣ маҳсуб ёфта, барои аввалин бор дар маркази шаҳри Бӯстони вилояти Суғд баргузор гардид. 

«Мо, ба унвони як бренди пурқувват ва мӯътадил дар бозори иқтисодии Тоҷикистон, муваззаф ҳастем, ки саҳми худро дар рушди бахшҳои мухталифи кишвар гузорем. Бо дастгирии чорабиниҳои гуногуни варзишӣ ва варзишгарон, мо тарзи ҳаёти солимро ташвиқ карда, аҳамияти бузург доштани варзишро дар зиндагии одамон мефаҳмонем. Ба ҳамаи иштирокдорони чорабинии варзишӣ дастовардҳо ва комёбиҳои нав ба нави варзиширо таманно дорем”, - иброз дошт директори департаменти коммуникатсия ва маркетинги ширкати Тcell Кети Пирцхалава.

Мусобиқа барои дарёфти Ҷоми ФВҶТ  «Критериум 2019» бо ҳадафи тарғибу ташвиқи тарзи ҳаёти солим ва оммавӣ гардонидани варзиш миёни ҷавонон роҳандозӣ мегардад.   Чорабинии мазкури варзишӣ бо ибтикори Федератсияи велосипедронии Ҷумҳурии Тоҷикистон ва дастгирии Кумитаи ҷавонон ва варзиши назди Ҳукумати Ҷумҳурии Тоҷикистон, инчунин мусоидати ширкатҳои Tcell ва Соса Соla баргузор мешавад.  

Tcell –    бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.


5.jpg

6.jpg

7.jpg

8.jpg

1436

Веломарафони оммавии зимистонаи Хуҷанд- Бӯстон бо алоқа аз Tcell


Ширкати Tcell баргузории веломарафони оммавии зимистонаро, ки ду шаҳри вилояти Суғд- Хуҷанд ва Бӯстонро ба ҳам пайваст кард, дастгирӣ намуд.

Расми ифтитоҳи веломарафон бо иштироки Раиси Кумитаи ҷавонон ва варзиш, муовини раиси ҳукумати вилояти Суғд ва директори генералии ширкати Tcell баргузор гардид.

Дар веломарафони Хуҷанд- Бӯстон беш аз 200 дучархарон ва дӯстдорони ин навъи варзиш иштирок карданд. Дар ин сабқат, Шарипов Раббонишоҳ, Бобоҷонов Бобоҷон и Мухаммадҷонов Наимҷон, ки аз ҳама пештар ба марра расиданд, ғолибони мусобиқа эълон гардиданд. Ба барандагони сабқат ҳадяҳои арзишнок- смартфон ва зангҳои телефонӣ бо тавозун аз ширкати Tcell ҳадя намуданд. Ҳамчунин, ғолибон бо рақамҳои “зебо”-и “тиллоӣ”, “нуқрагӣ” ва “биринҷӣ” аз ширкат соҳиб гардида, ба тарофаи даркории «Даркор 59» пайваст шуданд.

Дар анҷомии сабқат ҳамаи иштирокчиёни веломарафон бо Ифтихорнома ва Сипосномаҳои Федератсияи велосипедронии Ҷумҳурии Тоҷикистон, Кумитаи варзиш ва ҷавонони назди ҳукумати Ҷумҳурии Тоҷикистон ва ширкати РТ сарфароз гардонида шуданд. Tcell ҳамчунин барои ҳамаи иштирокдорони мусобиқа боз як иқдомро роҳандозӣ кард: ҳамаи варзишгарон имкон пайдо карданд, ки ҳангоми харидории рақамҳои “биринҷӣ” тахфифи 50%  дарёфт намоянд!

Аснои баргузорӣ ва идомаи веломарафон иштиркчиён аз алоқаи боэътимоди Tcell баҳравар гардида, аз ҷараёни мусобиқа аксу навор мегузоштанд, эҳсосоти худро баён мекарданд, онро дар шабакаҳои иҷтимоӣ паҳн менамуданд.

Барои ширкати Tcell дастгирии чорабиниҳои варзишӣ аз умдатарин бахши кӯмак ба умури иҷтимоӣ маҳсуб меёбад ва ин барои ширкат масъулияти бузурге дорад. Тарзи ҳаёти солим ва арзишҳои онро ташвиқ карда, ба ин васила ширкати Tcell саҳми худро дар солимгардонии миллат ва афроди он мегузорад.  

«Мо чандин бор чунин мусобиқаҳои варзиширо баргузор ва ҳам дастгирӣ кардаем. Таври мисол, мусобиқоти футбол миёни кӯдакон, бозиҳои варзишии волейбол миёни донишҷӯёни донишгоҳу донишкадаҳои кишвар, инчунин мусобиқаи баскетбол миёни шахсони имконияташон маҳдудро ба ин намуна ворид кардан мумкин аст. Сабқатҳои варзишии мухталифро дастгирӣ карда, ба ин роҳ мо кӯшиш менамоем, ки ба одамон, махсусан ба қишри ҷавон тарзи ҳаёти солим ва аҳамияти варзишро дар ҳаёт бифаҳмонем. Итминон дорем, ки веломарафон дар Суғд барои рушди ин намуди варзиш мусоидат мекунад ва оғози чунин чорабиниҳои бузурги варзишӣ хоҳад шуд”, - мегӯяд Директори департаменти маркетинг ва коммуникатсияи ширкати Тсell Кети Пирцхалава.

 Веломарафони оммавии зимистона бо ҳадафи тарғибу ташвиқи тарзи ҳаёти солим ва оммавӣ гардонидани варзиш миёни ҷавонони Тоҷикистон доир мешавад. Чорабинии варзишии мазкур бо ибтикори Федератсияи велосипедронии Ҷумҳурии Тоҷикистон бо мусоидати Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва дастгирии ширкати Tcell, инчунин ширкати Coca-Cola-ву Somon Air баргузор мегардад.

Tcell –    бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.


1.jpg

2.jpg

3.jpg

4.jpg

1374

Марказҳои нави технологӣ барои хизматрасонии муштариёни Tcell – дар истгоҳҳои нақлиёт!


Дар шаҳри Хуҷанд чор истгоҳи нави технологии нақлиёти ҷамъиятӣ ифтитоҳ гардид, ки дар ҳар кадоме аз он марказҳои муосири хизматрасонии муштариёни Tcell фаъолият хоҳад кард! 


Ширкати Tcell бо кӯшиши боз ҳам наздиктар шудан бо муштариён, шабакаҳои худро тавсеа мебахшад, барои корбарон беҳтарин ва қулайтарин нуқтаҳои хидматрасониро боз менамояд. Ҳамакнун, сокинони Хуҷанд машварат ва ё кӯмакро дар ростои интихоби тарофа, хизматрасониҳо ва дигар сервисҳои ширкати мобилӣ аснои интизорӣ дар истгоҳи нақлиётӣ гирифта метавонанд.

Дар ин идораҳо (марокизи хизматрасонӣ) муштариён бо намудҳои мухталифи хизматрасонии ширкат ошно гардида, машварати кормандонро дар мавриди интихоби алоқа, интернет ва ғайра дарёфт менамоянд.  

Дар истгоҳ ва назди он ба сифати тахфиф (бонус) бошад, сокинони шаҳр метавонанд аз интернет Wi-Fi-и ройгон аз Tcell истифода баранд!

Маросими ифтитоҳи истгоҳҳои муосири технологӣ ва марокизи хизматрасонии муштариёни ширкати Tcell бо иштироки Раҷаббой Аҳмадзода, раиси ҳукумати вилояти Суғд, роҳбарони шаҳру навоҳии Хуҷанд, Бӯстон, Гулистон ва Бобоҷон Ғафуров, инчунин Озодхон Давлатшоев, директори генералии ширкати Tcell сурат пазируфт.

  • Нишонӣ (суроға)-и истгоҳҳои муосири технологӣ:
  • Хиёбони И.Сомонӣ 10, истгоҳи майдони К.Хуҷандӣ (Универмаг);
  • Хиёбони И.Сомонӣ, 81 (Панҷшанбе);
  • Хиёбони С.Айнӣ (ДДХ);
  • Хиёбони И.Сомонӣ,158 (Панҷшанбе).

Ширкати Tcell дар саросари кишвар шабакаи бузурги марказҳои хизматрасонӣ дорад. Tcell дар ростои хидматрасонӣ ва сервиси ҳамаҷониба ба муштариён саъю талош дорад, то ба онҳо наздиктар шавад.
Интизори дидор бо шумо дар марказҳои хизматрасонии Тсеll ҳастем!

Tcell –  бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.


1.JPG

2.JPG

3.JPG

IMG_5497.JPG

1373


Страницы: Пред. 1 ... 31 32 33 34 35 ... 62 След.